Accessibility links

فڕۆکه‌ی که‌نه‌دی بۆردومانی داعش ده‌که‌ن


که‌نه‌دا یه‌که‌م هێرشی ئاسمانی خۆی له‌ دژی کۆمه‌ڵی ناسراو به‌ ده‌وڵه‌تی ئیسلامی (داعش) له‌ عێراق ئه‌نجام دا.

ئۆفیسی ڕۆب نیکڵسن وه‌زیری به‌رگری که‌نه‌دا یه‌کشه‌ممه‌ له‌ به‌یانـنامه‌یه‌کدا ڕایگه‌یاند 2 فڕۆکه‌ی جه‌نگی جۆری CF-18 له‌ ئه‌رکێـکدا که‌ 4 کاژمێری خایاندبوو، له‌ شوێنێـکی داعشیان داوه‌ له‌ فه‌لـلوجه‌ی ڕۆژئاوای عێراق.

به‌یانـنامه‌که‌ گوتی موشه‌کی ئاڕاسته‌کراو به‌ له‌یزه‌ر له‌ هێرشه‌که‌دا به‌کارهاتوون و پاشان هه‌ردوو فڕۆکه‌که‌ به‌ سه‌لامه‌تی بۆ بنکه‌کانیان له‌ کوه‌یت گه‌ڕاونه‌ته‌وه‌.

که‌نه‌دا له‌ سه‌ره‌تای مانگی ده‌وه‌ ڕایگه‌یاند فڕۆکه‌ جه‌نگیـیه‌کانی به‌شـداری ده‌که‌ن له‌ هێرشه‌کانی دژی داعش له‌ عێراق. بۆ ئه‌م مه‌به‌سته‌ش 6 فڕۆکه‌ی CF-18 و 2 فڕۆکه‌ی CP-140 و فڕۆکه‌یه‌کیC-150 ته‌رخان کردووه‌.

XS
SM
MD
LG