Accessibility links

گه‌یشـتنی پـشتیوانی له‌شکری بۆ شه‌ڕوانانی کورد له‌ کۆبانی


A convoy of peshmerga vehicles is escorted by Turkish Kurds on their way to the Turkish-Syrian border, in Kiziltepe near the southeastern city of Mardin October 29, 2014. Iraqi peshmerga fighters arrived in southeastern Turkey on Wednesday en route for th
A convoy of peshmerga vehicles is escorted by Turkish Kurds on their way to the Turkish-Syrian border, in Kiziltepe near the southeastern city of Mardin October 29, 2014. Iraqi peshmerga fighters arrived in southeastern Turkey on Wednesday en route for th

پاش زیاتر له‌ 40 ڕۆژی به‌رگری بێ وچانی شه‌ڕوانانی یه‌په‌گه‌ و یه‌په‌ژه‌ له‌ شاری کۆبانی، وا هێزێـکی پـێشـمه‌رگه‌ی هه‌رێمی کوردسـتانی عێراق له‌ ڕێدایه‌ به‌ره‌و ئه‌و شاره‌ کوردیـیه‌ی سوریا. هاوکات هێزێـکی له‌شـکری ئازادی سوریایش گه‌یشـتوونه‌ته‌ شاره‌که‌. ئه‌مه‌ هه‌مووی پاش ئه‌و گۆڕانکاریـیه‌ بوو که‌ به‌سه‌ر سیاسه‌تی تورکیا به‌رامبه‌ر کۆبانی هات، کاتێـک ڕایگه‌یاند ئیدی مۆڵه‌ت به‌ هێزی پـێشـمه‌رگه‌ و له‌شکری ئازاد ده‌دات بچن به‌رگری له‌و شاره‌ بکه‌ن.

دوریان جۆنز له‌ ئستنبوڵه‌وه‌ ڕاپـۆرتی له‌م باره‌یه‌وه‌ ناردووه‌ و به‌ڵێن ساڵح به‌ کوردی ئاماده‌ی کردووه‌.

کۆمانده‌رێـکی له‌شکری ئازادی سوریا ده‌ڵێت یه‌که‌یه‌کی هێزه‌کانی گه‌یشـتووه‌ته‌ کۆبانی هاوکاتی دابه‌زینی هێزی پـێشـمه‌رگه‌ی هه‌رێمی کوردسـتانی عێراق له‌ فڕۆکه‌خانه‌یه‌کی ناو تورکیا له‌ نزیک سنووری سوریاوه‌.

هێزی دووه‌می پـێشـمه‌رگه‌ به‌ ماشێن به‌ تورکیادا ده‌ڕۆیشتن بۆ کۆبانی له‌ نێوه‌ندی چه‌پـڵه‌ڕێزانی کورده‌کانی تورکیادا.

هێزی پـێشـمه‌رگه‌ چه‌کی قورسیان پـێـیه‌ و وه‌ک هۆکارێـکی سه‌ره‌کیش لێـیان ده‌ڕوانرێت ڕۆڵ بـبینن بۆ شـکستپـێهێنانی تێرۆرسـتانی ده‌وڵه‌تی ئیسلامی.

هه‌تا ئێسـتا داکۆکیکاران له‌ کۆبانی هه‌ر ته‌نها چه‌کی سووکیان پـێـیه‌. ده‌یان تانکی تورکیا له‌سه‌ر سنوور وه‌ستاون. هه‌ندێـک له‌ وڵاتانی ئه‌ندامی ناتۆ ڕه‌خنه‌ له‌ تورکیا ده‌گرن، چونکه‌ هه‌ڵوێستی نیشان نه‌داوه‌.

به‌ڵام ئه‌حمه‌د داوود ئۆغڵو سه‌رۆک وه‌زیری تورکیا ده‌ڵێت هه‌تا ئێسـتا هیچ وڵاتێـک هێزی نه‌ناردووه‌ بۆ کۆبانی.

ئه‌سڵی ئایدن تاشباش نووسه‌ری سیاسیـیه‌ له‌ ڕۆژنامه‌ی میلـلیه‌ت ده‌ڵێت:

" ئا‌نکه‌ره‌ ده‌زانێت که‌ ڕێ دراوه‌ به‌ خوێن ڕشتن له‌سه‌ر سنووره‌که‌ی و ته‌نها سه‌یری ڕێـکخراوی ده‌وڵه‌تی ئیسلامی ده‌کات له‌ چوارده‌وری ئه‌و شاره‌دا، واته‌ کۆبانی، وه‌ ده‌شڵێت کاتێـک کۆمه‌کی نێونه‌ته‌وه‌یی بینرا بۆ کۆبانی ئێستا تورکیا ده‌ڵێت ئێمه‌ش کۆبانیمان به‌لاوه‌ گرنگه‌، به‌ڵام بۆ دانیشـتوانی کورد له‌ تورکیادا ئه‌م قسه‌یه‌ زۆر جێی متمانه‌ نیـیه‌."

ئا‌نکه‌ره‌ هێشتا ڕێگه‌ی نه‌داوه‌ به‌تایبه‌تی به‌ کورده‌کانی تورکیا بڕۆنه‌ کۆبانی بۆ به‌شداری له‌ شه‌ڕی داعشدا.

حکومه‌تی تورکیا زۆر نیگه‌رانی هه‌یه‌ به‌رامبه‌ر یه‌کینه‌کانی پاراستنی گه‌ل (یه‌په‌گه‌) که‌ داکۆکی له‌ کۆبانی ده‌که‌ن و به‌ په‌یوه‌ندی له‌گه‌ڵ په‌که‌که‌دا گوناهباری ده‌کات.

سه‌رۆک وه‌زیری تورکیا زۆر به‌ توندی هه‌بوونی په‌یوه‌ندی نێوان تورکیا و ڕێـکخراوی ده‌وڵه‌تی ئیسلامی ڕه‌تده‌کاته‌وه‌. هاوکات ئا‌نکه‌ره‌ هه‌موو ده‌سـتێوه‌ردانێـکی له‌شـکریشی ڕه‌تکردووه‌ته‌وه‌ و یانیش ده‌سـتێوه‌ردان له‌ ڕێی ڕێگه‌پـێدان به‌ فڕۆکه‌کانی هاوپه‌یمانان هه‌تا فڕۆکه‌خانه‌ی سه‌ربازی تورکیا به‌کاربهێنن.

داکۆکیکردن له‌ کۆبانی وه‌ک کۆر کچو سه‌رۆکی سیمبوڵی هه‌ده‌به‌ ده‌ڵێت گیانێـکی له‌ نێو کورده‌کانی تورکیا هێناوه‌ته‌ ئاراوه‌.

ده‌ڵێ " هه‌نگاو به‌ هه‌نگاو له‌ ناو کوردی تورکیادا گرنگی زیاتری به‌خۆیه‌وه‌ بینیـیه‌وه‌ وه‌ک فه‌رمانڕه‌وایه‌تیـیه‌کی خۆیی لێی ده‌ڕوانن و ده‌بێته‌ ئاینده‌یان له‌ ڕووی ڕێـکخراوه‌یی‌یه‌وه‌. ئه‌م جۆره‌ ڕاگه‌یه‌ندنانه‌ وه‌ک چاودێر ده‌ڵێن ده‌شێت نیگه‌رانیـیه‌کانی ئا‌نکه‌ره‌ به‌رامبه‌ر کۆبانی زیاد‌بکات، به‌ڵام فشاره‌کان له‌سه‌ر حکومه‌تی تورکیا به‌رده‌وام ده‌بن بۆ یارمه‌تیدانی ئه‌و هه‌وڵانه‌ی ده‌درێن بۆ به‌ره‌نگاربوونه‌وه‌ی ده‌وڵه‌تی ئیسلامی.

please wait

No media source currently available

0:00 0:02:55 0:00
Direct link

XS
SM
MD
LG