Accessibility links

کاربه‌ده‌سـتانی عێراق ده‌ڵێن داعش گازی کلۆری له‌ شه‌ڕدا به‌کارهێناوه‌

  • VOA News

کاربه‌ده‌سـتانی عێراق ده‌ڵێن چه‌کدارانی داعش گازی کلۆریان به‌کارهێنابوو له‌ میانه‌ی پێکدادانیان له‌گه‌ڵ هێزه‌کانی ئاسایشی عێراق له باکوری به‌غدای پایته‌خت له‌‌ مانگی رابردوودا. به‌کارهێنانی گازی کلۆر له‌لایه‌ن چه‌کدارانی داعشه‌وه‌ له‌ دژی سوپای عێراق نیگه‌رانیه‌کی نوێ دێنێته‌ گۆڕێ بۆ پشێوی له‌ عێراقدا.

له‌و باره‌یه‌وه‌ به‌رپرسێکی باڵا و به‌رپرسێکی خۆجێی له‌ شارۆچکه‌ی زلوعیه‌ و هه‌روه‌ها به‌رپرسێکی شارۆچکه‌ی به‌له‌د ده‌ڵێن گروپی ده‌وڵه‌تی ئیسلامی له‌ شه‌ڕ و پێکدادانه‌کانی مانگی نۆی ئه‌مساڵدا بۆمبی پڕ له‌ گازی کلۆریان له‌ دژی سه‌ربازانی عێراق به‌کار هێنابوو.

سه‌رجه‌م ئه‌و به‌رپرسه‌ عێراقیانه‌ ئه‌مڕۆ هه‌ینی به‌ ئاژانسی ئه‌سۆ‌شیه‌تد پرێسیان گوت که‌ نزیکه‌ی 40 سه‌رباز و چه‌کداری شیعه‌ نیشانه‌ی هه‌ڵمژینی گازی کلۆریان پێوه‌ دیاربوو، وه‌کو به‌ زه‌حمه‌ت هه‌ناسه‌دان و هه‌روه‌ها کۆکین. ده‌شڵێن به‌خێرای له‌ نه‌خۆشخانه‌ چاره‌سه‌رکراون.

XS
SM
MD
LG