Accessibility links

زارا مستۆ: داعش نه‌گه‌یشتۆته‌ کۆبانی و هێشـتا شه‌ڕێـکی قورسیش له‌ ده‌ره‌وه‌ی کۆبانیـیه‌

  • Balen Salih

زارا مستۆ به‌رپرسی ئۆفیسی کۆبانی ماڵپه‌ڕی وڵاتی نێت له‌ وتووێژێـکدا له‌گه‌ڵ ده‌نگی ئه‌مه‌ریکا ئه‌و هه‌واڵانه‌ی ڕه‌تکرده‌وه‌ که‌ ده‌ڵێن داعش ئاڵای خۆی له‌ ڕۆژهه‌ڵاتی کۆبانی به‌رزکردووه‌ته‌وه‌ و گوتی داعش له‌ ئێسـتادا له‌ دوری یه‌ک کیلۆمه‌تر له‌ گوندێـکی ڕۆژهه‌ڵاتی شاری کۆبانیـیه‌.

پـێشـتر ڕۆژی دووشه‌ممه‌ ئاژانسی ده‌نگ‌وباسی ڕۆیته‌ر ڕایگه‌یاند که‌وا تیمی ته‌له‌فیزیۆنیـیه‌که‌یان له‌سه‌ر سنووری تورکیا ئاڵایه‌کیان به‌سه‌ر باڵه‌خانه‌یه‌کی چوار نهۆمی له‌ به‌شی ڕۆژهه‌ڵاتی شاری کۆبانی بینیوه‌ که‌ پـێده‌چێت ئاڵای داعش بێت.

هه‌روه‌ها ڕۆیته‌رز گوتی ئه‌فسه‌رێـکی تورک که‌ نه‌یوستووه‌ ناوی خۆی ئاشـکرابکات پـشـتڕاستی کردووه‌ته‌وه‌ ئه‌و ئاڵایه‌ی به‌رزکراوه‌ته‌وه‌ هی داعشه‌.

به‌ڵێن سـاڵح وتووێژه‌که‌ی له‌گه‌ڵ زارا مستۆ ئه‌نجامداوه‌.

XS
SM
MD
LG