Accessibility links

سروه‌ عه‌بدولواحید: دادگای فێدراڵی عیراق دادگایه‌کی ناده‌ستوریه‌ و فرمانیش به‌سه‌ر په‌رله‌ماندا ده‌سه‌پێنێت

  • Balen Salih

سروه‌ عه‌بدولواحید

سروه‌ عه‌بدولواحید

له‌گه‌ڵ ئه‌وه‌دا نوری ئه‌لمالیکی ده‌ستی له‌ پۆسته‌که‌ی کێشایه‌وه‌ بۆ حه‌یده‌ر عه‌بادی به‌لام هێشتاش به‌رده‌وامه‌ له‌ وتاره‌ تونده‌کانی که‌ هه‌ندێک پێیان وایه‌ بۆ ته‌گه‌ره‌ خستنه‌ به‌رده‌م عه‌بادیه‌ تا نه‌توانێت له‌ واده‌ی خۆیدا حکومه‌تی نوێی عێراقی پێکبهێنێت.

سروه‌ عه‌بدولواحید، ئه‌ندامی په‌رله‌مانی عێراق له‌ فراکسیۆنی بزووتنه‌وه‌ی گۆڕان ده‌ڵێت مالیکی و ئه‌وانه‌ش که‌ له‌ ناو ده‌وڵه‌تی یاسا و له‌ ناو پارتی ده‌عوه‌شدا هاوڕای مالیکین هه‌وڵه‌کانی خۆیان چڕ کردۆته‌وه‌ تا عه‌بادی شکست بێنێت له‌ پێکهێنانی حکومه‌ته‌که‌یدا ده‌رفه‌تێکی تر بۆ خودی مالیکی بێته‌ ئاراوه‌ و ده‌شڵێت به‌ڵام ئه‌م هه‌وڵانه‌ ته‌نها دیدی بۆچوونی مالیکی و ئه‌وانه‌ن که‌ سه‌ر به‌ مالیکین و له‌ ڕاستیدا ناشتوانن هیچ شتێک بکه‌ن.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، سروه‌ عه‌بدولواحید ئاماژه‌ش به‌وه‌ ده‌کات که‌ خراپ به‌کارهێنانی ده‌سه‌ڵاته‌کان له‌ لایه‌ن سه‌ره‌ک وه‌زیره‌وه‌ له‌ عێراقدا که‌وتۆته‌ سه‌ر لایه‌نه‌ سیاسیه‌کان و چۆنیه‌تی کارکردنیان بۆ ڕێگه‌گرتن له‌و دیارده‌یه‌ و ده‌شڵێت ئه‌گه‌ر بویسترێت پرۆسه‌ی سیاسی عێراق تۆکمه‌ بکرێت ئه‌وا پێویسته‌ ته‌واوی لایه‌نه‌ سیاسیه‌کانی وڵاته‌که‌ ڕێگه‌ بده‌ن په‌رله‌مان ڕۆڵی ڕاسته‌قینه‌ی خۆی ببینێت له‌ هه‌ردوو ڕوانگه‌ی چاودێریکردن و یاسادانانیشه‌وه‌.

زانیاری زیاتر له‌ ده‌قی وتووێژه‌که‌دایه‌:

XS
SM
MD
LG