Accessibility links

وه‌زیری ده‌ره‌وه‌ی ئه‌ڵمانیا: یه‌کشه‌ممه‌ بڕیار ده‌ده‌ین چۆن یارمه‌تی هێزه‌ کوردیـیه‌کان بده‌ین

  • VOA News

وه‌زیری ده‌ره‌وه‌ی ئه‌ڵمانیا فرانک ڤالتێر شتاینمایه‌ر ده‌ڵێت حکومه‌تی وڵاته‌که‌ی ڕۆژی یه‌کشه‌ممه‌ بڕیار ده‌دات چی ڕه‌وانه‌ی هێزه‌ کوردیـیه‌کان بکرێت له‌ عێراق تاوه‌کو یارمه‌تیان بدات له‌ شه‌ڕی دژی داعشدا.

شتاینمایه‌ر ڕۆژی چوارشه‌ممه‌ له‌ کۆنگره‌یه‌کی ڕۆژنامه‌وانی له‌ براگ گوتیشی " ده‌بێت یارمه‌تیان بده‌ین تاوه‌کو بتوانن شه‌ڕی چه‌کدارانی داعش بکه‌ن و نه‌هێڵن ده‌سـتبگرن به‌سه‌ر ته‌واوی ناوچه‌که‌ و خه‌لافه‌ت دابمه‌زرێنن.

جێی ئاماژه‌یه‌ هه‌فته‌ی ڕابردوو حکومه‌تی ئه‌ڵمانیا بڕیاری دا له‌و ڕێبازه‌ی لابدات که‌ له‌ پاش جه‌نگی جیهانی دووه‌مه‌وه‌ گرتبوویه‌به‌ر، ئه‌ویش‌ چه‌ک ڕه‌وانه‌ ئه‌و ناوچانه‌ی‌ جیهان نه‌کات که‌ ناکۆکیـیان تێدایه‌. ئه‌نگێلا مێرکل ڕاوێژکاری ئه‌ڵمانیا گوتی ئه‌و کوشتنه‌ به‌ کۆمه‌ڵانه‌ی له‌ باکوری عێراق کراون وه‌ها پـێویست ده‌کات بڕیاری تایبه‌ت بدرێت.

XS
SM
MD
LG