نووسه‌ر تاڤگه سابیر سه‌رنج و تێبینیـیه‌کانی ده‌خاته ڕوو سه‌باره‌ت به ڕووداوه‌کانی شه‌نگال، ئه‌وانه‌ی بوونه مایه‌ی بێ سه‌روشوێنبوونی به سه‌دان که‌س و ئاواره‌بوونی به ده‌یان هه‌زار که‌سی دیکه.
سه‌ره‌تای مانگی هه‌شت چه‌کدارانی داعش هێرشیان کرده سه‌ر شارۆچکه‌ی شه‌نگال و له ماوه‌یه‌کی کورتدا به‌بێ به‌رگریـیه‌کی ئه‌وتۆ له لایه‌ن هێزه‌کانی پـێشمه‌رگه‌وه، چه‌کداره‌کانی داعش ته‌واوی شـارۆچکه‌که‌یان کۆنترۆڵکرد، خه‌ڵـکی سیڤیلی ئێزدیش ئه‌وه‌ی ده‌رفه‌تی هه‌بوو ناوچه‌که‌ی چۆڵکرد و به‌ره‌و شاخی شه‌نگال و کوردسـتانی سوریا هه‌ڵاتن.
