Accessibility links

وه‌زیری ده‌ره‌وه‌ی ئێران گه‌یشته‌ پایته‌ختی عێراق بۆ وتووێژی دوو ڕۆژی.

محه‌مه‌د جه‌واد زه‌ریف له‌ ڕۆژی یه‌کشه‌ممه‌ گه‌یشته‌ به‌غدا.

بڕیاره‌ له‌گه‌ڵ هاوشانه‌ عێراقییه‌که‌ی هوشیار زێباری و سه‌رۆک وه‌زیری ده‌ستنیشانکراو حه‌یده‌ر ئه‌لعه‌بادی کۆببێته‌وه‌.

هه‌روه‌ها بڕیاره‌ زه‌ریف له‌گه‌ڵ سه‌رۆک فوئاد مه‌عسوم و سه‌رۆک وه‌زیری له‌سه‌ر ده‌رچوون نوری مالکیشدا کۆببێته‌وه‌.

چاوه‌ڕوان ده‌کرێت کۆبونه‌وه‌کانی له‌گه‌ڵ کاربه‌ده‌ستانی عێراقیدا تایبه‌ت بێت به‌ بارودۆخی ئاسایشی عێراق که‌ گروپی ده‌وڵه‌تی ئیسلامی به‌شێکی گه‌وره‌ی وڵاته‌که‌ی کۆنتڕۆڵ کردووه‌.

XS
SM
MD
LG