Accessibility links

خالید شوانی: مالیکی ته‌نها ڕێزی له‌و به‌ندانه‌ی ده‌سـتور گرتووه‌ که‌ له‌ به‌رژه‌وه‌ندی خۆیدا بوون

  • گۆران تۆفیق

به‌پـێی ڕاگه‌یاندراوێـکی فه‌رمی ڕۆژی سێشه‌ممه‌ نوری مالیکی سه‌رۆک وه‌زیرانی کاربه‌ڕێکه‌ری عێراق له‌ کۆبوونه‌وه‌یه‌کیدا له‌گه‌ڵ فه‌رمانده‌ی هێزه‌ چه‌کداره‌کانی عێراق دوایـین پـێشـهاتی دۆخی ئاسایشی وڵاتی تاووتوێکرد.

مالیکی له‌و کۆبوونه‌وه‌یه‌دا فه‌رمانی بۆ سوپا و پـۆلیسی عێراقی ده‌رکرد که‌ خۆیان به‌دور بگرن له‌ ململانێی سیاسی و پابه‌ندبوونی ئه‌رکه‌کانیان بن بۆ پارێزگاریکردن له‌ ئاسایشی عێراق.

هه‌ر له‌ ڕاگه‌یاندراوه‌که‌دا هاتووه‌ مالیکی باس له‌ پـێشـێلـکاری ده‌سـتور کردووه‌ و گوتویه‌تی‌ مه‌ترسیـیه‌کانی هیچی که‌متر نیـیه‌ له‌ داگیرکردنی پارێزگای موسڵ.

له‌م باره‌یه‌وه‌ بۆ ده‌نگی ئه‌مه‌ریکا خالید شوانی سه‌رۆکی پـێشـووی لیژنه‌ی یاسای په‌رله‌مانی عێراق باس له‌ هه‌ڵوێسته‌ تونده‌کانی مالیکی ده‌کات و هه‌ڕه‌شه‌کانیشی له‌سه‌ر ده‌سـتور به‌ مه‌ترسی وه‌سفده‌کات.

خالید شوانی سه‌رسامی خۆی نیشـان ده‌دات و ده‌ڵێت مالیکی ئێسـتا و له‌ پاش هه‌شت سـاڵ له‌ حوکمڕانی باس له‌ پابه‌ندبوون به‌ ده‌سـتور ده‌کات؟.

درێژه‌ تێڕوانیـنه‌کانی خالید شوانی له‌م ڕاپـۆرته‌ی گۆران تۆفیق په‌یامنێری ده‌نگی ئه‌مه‌ریکا له‌ به‌غدادایه‌.

XS
SM
MD
LG