Accessibility links

ئێزدیـیەکان مەترسیان لە جینۆسایدێکى تر هەیە

  • Amir Goran

دواى کۆنترۆڵکردنی ناوچەکانیان لە لایەن چەکدارانى داعش و دروستبوونى مەترسى لەسەر ژیانیان، بە هەزاران هاوڵاتى ئێزیدى ناوچەکانى شەنگال و سنون و سیبا شێخ خدرو گر عوزێر جێده‌هێڵن و ئاوارەى شاخەکانى شەنگال و ناوچەکانى ترى هەرێمى کوردستان دەبن.

ئەوان لە کاتى هەڵاتنیان لە پردى سحێلاى نزیک ڕەبیعە بۆ دەنگى ئەمه‌ریکا دەدوێن و چیرۆکى داگیرکردنى ناوچەکانیان دەگێڕنەوە و ئاماژە بەوەش دەکەن خۆیان چەکیان لە دژى داعش هەڵگرتبوو شەڕیان کردووە، بەڵام هاوکارییان نەکراوە .

شایەنى باسە چەکدارانى داعش دواى کۆنترۆڵکردنى شارى موسڵ لە 10 ى مانگى شه‌ش و ئاوارەبوونى دەیان هەزار کەس لەو شارە و دەوروبەرى، ئەو گروپە چەکداریـیە لە پێشڕەویدان بۆ چەندین ناوچەى تریش.

ماوەى 3 ڕۆژ بوو شەڕوپێکدادانێکى سەخت لە نێوان پێشمەرگە و داعش لە ناوچەکانى زوممار و سەربازگه‌ى کەسک درێژەى هەبوو. دواجار سەرەڕاى ئەوەى هێزى زیاترى پێشمەرگە و هێزێکى ترى سەر بە یه‌کەینەکانى پاراستنى گەل ناسراو بە یەپەگە لە سوریاوە گەیشتنە ناوچەکە، بەڵام داعش توانی هەر یەکە لە زوومار و کەسک و شەنگال و سنون و چەندین ناوچەى تر کۆنترۆڵ بکات. شەنگال و دەوروبەرى کە زۆرینەى دانیشتوانیان لە ئاینى ئێزدین مەترسى ئەوەیان هەیە کەوا داعش کۆمەڵکوژى لە بەرامبەر ئەو پـێکهاتەیە ئەنجام بدات.

XS
SM
MD
LG