Accessibility links

دادگایه‌کی میسر ده‌ڵێت ڕابه‌رانی پارتی موباره‌ک ده‌توانن خۆیان بۆ هه‌ڵبژاردنه‌کان کاندید بکه‌ن

  • VOA News

ئاژانسی ده‌نگ‌وباسی ده‌وڵه‌تی میسر ده‌ڵێت دادگایه‌کی پـیاداچوونه‌وه‌ی قاهیره‌ بڕیاری دا ڕابه‌رانی پارتی ده‌سه‌ڵاتداری پـێشـووی سه‌رۆکی له‌ کار لادراو حوسنی موباره‌ک چیتر لێـیان قه‌ده‌غه‌ نیـیه‌ خۆیان له‌ هه‌ڵبژاردنه‌کاندا کاندید بکه‌ن.

ئه‌م حوکمه‌ی ئه‌مڕۆی دادگا، بڕیارێـکی پـێشـتری پـێچه‌وانه‌ کرده‌وه‌ که‌ قه‌ده‌غه‌ی کردبوو سه‌رکرده‌کانی پارتی نیشـتیمانی دیموکراتی، ئه‌وه‌ی موباره‌ک ڕابه‌رایه‌تی ده‌کرد به‌شداری له‌ هیچ هه‌ڵبژاردنێـکدا بکه‌ن.

پارتی ناوبراو له‌ پاش ڕاپه‌ڕینه‌که‌ی دژی موباره‌ک له‌ سـاڵی 2011 هه‌ڵوه‌شێنرایه‌وه‌.

چاودێران پـێشـبینی ده‌که‌ن ئه‌ندامانی پـێشـووی ئه‌م پارته‌ به‌ گوڕوتینێـکی به‌هێزه‌وه‌ به‌شداری له‌ هه‌ڵبژاردنه‌ په‌رله‌مانیـیه‌که‌ی داهاتوو بکه‌ن که‌ بڕیاره‌ له‌ ئه‌مسـاڵدا به‌ڕێوه‌بچێت.

XS
SM
MD
LG