Accessibility links

نیویۆرک‌تایمز: هاککه‌رانی چینی هه‌وڵی چوونه‌ نێو کۆمپـیوته‌ره‌کانی حکومه‌تی ئه‌مه‌ریکایان داوه‌

  • VOA News

راپـۆرتێک له‌ ژماره‌ی ڕۆژی پـێنجشه‌ممه‌ی ڕۆژنامه‌ی نیویۆرک تایمزی ئه‌مه‌ریکایی ده‌ڵێت به‌رپرسانی وڵاته ‌یه‌کگرتووه‌کانی ئه‌مه‌ریکا زانیاریـیان داوه‌ته‌ ڕۆژنامه‌که‌یان که‌ تیایدا هاتووه‌ هاککه‌رانی چینی هه‌وڵیان دابوو بچنه‌ نێو فایلی به ‌ده‌یان هه‌زار له‌ کارمه‌ندانی فیدراڵی ئه‌مه‌ریکایی، ئه‌وانه‌ی داوای وه‌رگرتنی مۆڵه‌تیان کردووه‌ بۆ کارکردن له‌ پـۆسـتی هه‌سـتیاردا که‌ پـێویسـتی به‌ لێـکۆڵینه‌وه‌ی ئاسایشی ورد هه‌یه‌ له‌ ڕابردوویان و ئێسـتایاندا.

راپـۆرته‌که‌ ده‌شڵێت هاککه‌ره‌کان له‌ مانگی سێدا ده‌ستیان گه‌یشتووه‌ته‌ ژماره‌یه‌ک له‌ داتاکانی ئۆفیسی کارمه‌ندانی فیدراڵی. ئه‌و ئۆفیسه‌ی سه‌رپه‌رشتی هێزی کاری وڵاته‌ یه‌کگرتووه‌کانی ئه‌مه‌ریکا ده‌کات. ده‌زگا به‌رپـرسه‌کانی ئه‌مه‌ریکا به‌ هه‌ڕه‌شه‌که‌یان زانی و توانیان ڕێگه‌یان لێبگرن.

رۆژنامه‌ی ناوبراو ئاماژه‌ی به‌وه‌ش کرد هه‌تا ئێستا ئاشکرا نیـیه‌ هه‌تا چ ڕاده‌یه‌ک هاککه‌ره‌کان توانیویانه‌ بچنه‌ نێو سیستمی کۆمپـیوته‌ری ئۆفیسی کارمه‌ندانی فیدراڵی ئه‌مه‌ریکا.

XS
SM
MD
LG