<p dir="RTL">هاوبه‌ندی ئۆپـۆزسیۆنی سوریا سه‌رۆکێـکی نوێی بۆ خۆی هه‌ڵبژارد تاوه‌کو شوێنی ئه‌حمه‌د ئه‌لجه‌ربا بگرێته‌وه‌ که‌وا بۆ ماوه‌ی سـاڵێـک بوو‌ سه‌رۆکایه‌تی ئۆپـۆزسیۆنی گرتبووه‌ ده‌ست.</p> <p dir="RTL">ئۆپـۆزسیۆنی سوریا له‌ کۆبوونه‌وه‌کانی ڕۆژی چوارشه‌ممه‌ی له‌ نزیک شـاری ئسته‌نبوڵی تورکیا به‌ ده‌نگی 62 ئه‌ندامی بڕیاری دا هادی ئه‌لبه‌حره‌ بـبێته‌ سه‌رۆکی نوێی.</p> <p dir="RTL">موفه‌ق نه‌یره‌بیـیه‌ ڕکه‌به‌ری ئه‌لبه‌حره‌ ده‌نگی 41 ئه‌ندامی به‌ده‌سـتهێنا و وه‌لید ئه‌لعومه‌ری ته‌نها ده‌نگی 3 ئه‌ندام.</p> <p dir="RTL">هادی ئه‌لبه‌حره‌ له‌ دایکبووی سـاڵی 1959 ی دیمه‌شقه‌ و خوێندنی ئه‌ندازیاری پـیشه‌سـازی له‌ ئه‌مه‌ریکا ته‌واوکردووه‌ و له‌ مێژه‌وه‌ له‌ عه‌ره‌بسـتانی سعودیـیه‌ کارده‌کات و چه‌ندان پـۆسـتی به‌ڕێوه‌به‌ری له‌وێ گرتووه‌ته‌ ده‌ست. له‌وه‌تای سـاڵی 2005 وه‌ هه‌تا ئێسـتا به‌ڕێوه‌به‌ری جێبه‌جێـکاری کۆمپانیای ته‌کنۆ میدیای سعودیـیه‌یه‌.</p> <p dir="RTL">له‌ لایه‌نی سیاسی به‌حره‌ له‌ مانگی هه‌شتی سـاڵی 2013 وه‌ چووه‌ته‌ ناو ئۆپـۆزسیۆنه‌وه‌ و به‌وه‌ ناسراوه‌ که‌ که‌سێـکی نزیکی ئه‌حمه‌د جه‌ربایه‌. له‌ وتووێژه‌کانی ژنێڤ 2 ، ئه‌وه‌ی به‌ سه‌رپه‌رشـتی نه‌ته‌وه‌ یه‌کگرتووه‌کان به‌ڕێوه‌چوو، به‌حره‌ سه‌رۆکایه‌تی شـاندی ئۆپـۆزسیۆنی کرد.</p>