Accessibility links

له‌ ئاکامی شه‌ڕ و پـێـکدادانی نێوان هێزه‌کانی ئاسایشی عێراق و چه‌کدارانی سه‌ر به‌ مه‌لایه‌کی شیعه‌ 45 که‌س ده‌کوژرێن

  • VOA News

سه‌رچاوه‌کانی هه‌واڵ له‌ ئاسایشی عێراق ده‌ڵێن له‌ ئه‌نجامی شه‌ڕ و پـێـکدادانی نێوان هێزه‌کانی ئاسایش و چه‌کدارانی سه‌ر به‌ مه‌لای شیعه‌ مه‌حمود سه‌رخی ئه‌لحه‌سه‌نی له‌ شـاری که‌ربه‌لا به‌ لایه‌نی که‌م 45 که‌س کوژراون.

ئه‌فسه‌رێـکی هه‌واڵگری له‌ وه‌زاره‌تی ناوخۆ و شایه‌تحاڵێـک ڕۆژی چوارشه‌ممه‌ به‌ ئاژانسی ده‌نگ‌وباسی ڕۆیته‌رزیان گوت‌ پـێـکدادانه‌که‌ به‌وه‌ ده‌سـتیپـێـکرد که‌ شه‌وی سێشه‌ممه‌ هێزێـکی پـۆلیس و له‌شـکر هه‌وڵی ده‌سـتگیرکردنی مه‌حمود سه‌رخی‌یان دا و له‌ ئاکامدا 3 که‌س له‌ هێزه‌کانی حکومه‌ت کوژران و نزیکه‌ی 14 که‌سی دیکه‌ برینداربوون.

پاشـان هێزه‌کانی حکومه‌ت ماوه‌ی 2 کاژمێریان دایه‌ چه‌کدارانی سه‌رخی تاوه‌کو چه‌که‌کانیان دابنێن، به‌ڵام ڕه‌تیانکرده‌وه‌ و که‌وتنه‌ ته‌قه‌کردن له‌ هێزه‌کانی ئاسایش و شه‌ڕه‌که‌ فراوانتربوو.

جێی ئاماژه‌یه‌ سه‌رخی له‌ دژی فه‌تواکه‌ی عه‌لی سـیستانی‌یه‌ و ده‌ڵێت نابێت چه‌ک به‌ گوته‌ی خۆی له‌ دژی سوننه‌کان هه‌ڵبگرن.

XS
SM
MD
LG