Accessibility links

سه‌دان کرسـتیان له‌ شـارۆچکه‌یه‌کی باکوری عێراق به‌ره‌و ناوچه‌ کوردیـیه‌کان هه‌ڵدێن

  • VOA News

سه‌دان گوندنشینی کرستیان له‌ باکوری عێراق به‌ره‌و ناوچه‌کانی هه‌رێمی کوردسـتان هه‌ڵدێن له‌ پاش ئه‌وه‌ی چه‌کدارانی کۆمه‌ڵی ناسراو به‌ ده‌وڵه‌تی ئیسلامی له‌ عێراق و شام (داعش) که‌وتوونه‌ته‌ تۆپبارانکردنی گونده‌کانیان.

ڕۆژی پـێـنجشه‌ممه‌ سه‌دان ئاواره‌ی کرستیان له‌ شـارۆچکه‌ی قه‌ره‌قۆش (حمدانیـیه‌) هه‌ڵاتن به‌ره‌و ناوچه‌کانی ژێر ده‌سه‌ڵاتی حکومه‌تی هه‌رێمی کوردستان تاوه‌کو گیانی خۆیان له‌ تۆپـبارانی و هێرشی چه‌کدارانی داعش بـپارێزن.

ئه‌میر گۆران په‌یامنێری ده‌نگی ئه‌مه‌ریکا له‌ ناوچه‌ی موسڵ ده‌ڵێت تۆپـبارانی داعش پاش ئه‌وه‌ ده‌سـتیپـێـکرد که‌ شه‌وی چوارشه‌ممه‌ له‌ ده‌ره‌وه‌ی شـارۆچکه‌ی قه‌ره‌قۆش هێزێـکی پـێـشمه‌رگه‌ که‌وته‌ بۆسه‌یه‌کی چه‌کدارانی داعش و له‌ ئاکامدا یه‌ک پـێشمه‌رگه‌ گیانی له‌ده‌سـتدا و چه‌ند پـێشـمه‌رگه‌یه‌کی دیکه‌ برینداربوون. پاشـان هێزی دیکه‌ی پـێشـمه‌رگه‌ هاتوون و شه‌ڕ هه‌ڵگیرسـاوه‌ و نزیکه‌ی 10 چه‌کداری داعش کوژران. دواتر داعش له‌ تۆڵه‌ی ئه‌و زیانانه‌ که‌وته‌ تۆپـبارانی شـارۆچکه‌که‌.

له‌ ئێسـتادا ڕه‌وشه‌که‌ له‌و ناوچه‌یه‌ ئارامه‌، به‌ڵام خه‌ڵـکی هه‌ر مه‌ترسیـیان له‌ هێرشه‌کان داعش هه‌یه‌ و به‌ره‌و به‌رتڵه‌ و ناوچه‌ کرسـتیانه‌کانی دیکه‌ هه‌ڵدێن.

XS
SM
MD
LG