Accessibility links

گه‌وره‌ دیپلۆماتی ئه‌مه‌ریکا فشار له‌سه‌ر میسر ده‌کات بۆ دیموکراسی و ئازادی ڕاگه‌یاندن


وه‌زیری ده‌ره‌وه‌ی ئه‌مه‌ریکا جان کێری له‌ میانه‌ی سه‌ردانێکیدا که‌ پێشتر ڕانه‌گه‌ێندرابوو له‌گه‌ڵ سه‌رۆکی میسر عه‌بدولفه‌تاح ئه‌لسیسی کۆبۆوه‌.
کێری له‌ ڕۆژی یه‌کشه‌ممه‌ گه‌یشته‌ قاهیره‌ به‌ مه‌به‌ستی ئاست به‌رزترین کۆبونه‌وه‌ی له‌گه‌ڵ ڕێبه‌ری نوێی وڵاته‌که‌ له‌و کاته‌وه‌ی هه‌ڵبژاردنی سه‌رۆکایه‌تی له‌ مانگی 5 ئه‌نجام درا.
له‌ میانه‌ی گه‌شته‌که‌یدا ئه‌و دیپلۆماته‌ی ئه‌مه‌ریکا ئاماژه‌ی به‌ هاوبه‌شی له‌مێژینه‌ی نێوان واشنتۆن و قاهیره‌ کرد و گوتی هه‌ردوو وڵات پێکه‌وه‌ کار ده‌که‌ن بۆ به‌ره‌نگار بوونه‌وه‌ی تیرۆرسم.
جان کێری هه‌روه‌ها داوای له‌ ده‌سه‌ڵاتدارانی میسر کرد مافه‌ جیهانییه‌کانی ئازادی ڕاده‌ربڕین و کۆڕو کۆبونه‌وه‌ دابین بکه‌ن.
داواکاری به‌ڕێز کێری بۆ ئازادی ڕاگه‌یاندن له‌ کاتێکدایه‌ دادگایه‌کی میسر ئاماده‌کاری ده‌کات بۆ بڕیاردان له‌سه‌ر دۆسێیه‌کی سێ ڕۆژنامه‌وانی ئه‌لجه‌زیره‌ که‌ تاوانبار کراون به‌ بڵاوکردنه‌وه‌ی هه‌واڵی نادروست و هاوکاری کردنی ئیخوان ئه‌لموسلمین.
XS
SM
MD
LG