Accessibility links

کۆمه‌ڵه‌یه‌ک: داعش سێ ناوچه‌ی نزیک سـنووره‌کانی عێراق کۆنترۆڵ ده‌کات

  • VOA News

کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ به‌ریتانیا ده‌ڵێت چه‌کداری سه‌ر به‌ گروپی ناسراو به‌ ده‌وڵه‌تی ئیسلامی له‌ عێراق و شام (داعش) توانیویانه‌ ڕۆژی هه‌ینی هه‌رسێ ناوچه‌ی موحسن و بولیل و بوعومه‌ری نزیک سـنووره‌کانی عێراق کونترۆڵ بکه‌ن.
ڕامی عه‌بدولڕه‌حمان به‌ڕێوه‌به‌ری کۆمه‌ڵه‌که‌ له‌ لێدوانه‌که‌یدا بۆ ئاژانسی ده‌نگ‌وباسی ڕۆیته‌رز گوتیشی ئه‌م سێ ناوچه‌یه‌ ده‌که‌ونه‌ قه‌راغ ڕووباری فوراته‌وه‌ و شوێنی سـتراتیژین، چونکه‌ له‌ فڕۆکه‌خانه‌ی له‌شـکری دێر ئه‌زور و شـاری ئه‌لمه‌یادینه‌وه‌ نزیکن.
ئاماژه‌ی به‌وه‌ش کرد ئه‌گه‌ر بێت و داعش بتوانێت شـاری مه‌یادینیش بگرێت، ئه‌وا جگه‌ له‌ شـاری بوکه‌مال هیچ شوێنێـکی گرنگ له‌ نزیک سـنووره‌کانی ڕۆژئاوای عێراقه‌وه‌ نامێنێت له‌ ژێر ده‌سـتیاندا نه‌بێت.
کۆمه‌ڵه‌ی چاودێری مافه‌کانی مرۆڤی سوریا بنکه‌ له‌ به‌ریتانیا، ژماره‌یه‌کی زۆر چالاکوانی له‌ ناوه‌وه‌ی وڵات هه‌یه‌ و ڕۆژانه‌ هه‌واڵه‌کانی بۆ ڕه‌وانه‌ ده‌که‌ن.
XS
SM
MD
LG