Accessibility links

تورکیا ده‌ڵێت 4 هاوڵاتی تورکی ڕفێنرداو له‌ عێراق ئازادکراون

  • VOA News

تورکیا ده‌ڵێت 4 هاوڵاتی تورکی که‌ له‌م دوایـیانه‌دا له‌ عێراق له‌ لایه‌ن کۆمه‌ڵێـکی چه‌کداره‌وه‌ ڕفێندرابوون، ئازادکراون.
وه‌زاره‌تی ده‌ره‌وه‌ی تورکیا ڕۆژی هه‌ینی له‌ به‌یانـنامه‌یه‌کدا گوتی ئه‌و هاوڵاتیـیانه‌ له‌گه‌ڵ ژماره‌یه‌ک کرێکاری دیکه‌ی بیانی ڕفێندرابوون، کاتێـک هه‌وڵیان دابوو له‌ شـارۆچکه‌ی دوره‌وه‌ به‌ره‌و که‌رکوک بڕۆن.
وه‌زاره‌ته‌که‌ گوتیشی له‌ سه‌رئه‌نجامی هه‌وڵه‌کانی تورکیا ڕۆژی پـێـنجشه‌ممه‌ ئه‌و چوار که‌سه‌ ئازادکران.
جێی ئاماژه‌یه‌ نزیکه‌ی 80 تورکی دیکه‌ له‌ لایه‌ن چه‌کدارانی داعشه‌وه‌ له‌ شـاری موسڵ ده‌سـتگیرکراون، له‌وانه‌ 49 که‌سیان له‌ کونسوڵخانه‌ی تورکیا له‌ موسڵ و 31 که‌سیشیان شۆفێری ئۆتۆمبیلی بارهه‌ڵگرن.
وه‌زاره‌ته‌که‌ ئاماژه‌ی بۆ به‌رده‌وامبوونی هه‌وڵه‌کان کرد به‌ مه‌به‌سـتی ئازادکردنی ئه‌وانی دیکه‌.
XS
SM
MD
LG