Accessibility links

ئه‌مه‌ریکا که‌سێـک له‌ لیبیا ده‌سـتگیرده‌کات که‌ گومان ده‌کرێت له‌ پشـت هێرشه‌که‌ی سه‌ر کونسوڵخانه‌که‌ی بنغازی بووبێت


ئه‌مه‌ریکا ده‌ڵێت ئه‌و که‌سه‌ی ده‌سـتگیرکردووه‌ که‌ گومان ده‌کرێت له‌ پشـت هێرشه‌که‌ی سـاڵی 2012 ی سه‌ر کونسوڵخانه‌ی ئه‌مه‌ریکا له‌ شـاری بنغازی لیبیا بووبێت، ئه‌وه‌ی تیایدا باڵیۆز کرسـتۆفه‌ر ستیڤن و 3 ئه‌مه‌ریکایی دیکه‌ کوژران.
ڕۆژی سێشه‌ممه‌ وه‌زاره‌تی به‌رگری ئه‌مه‌ریکا گوتی یه‌کشه‌ممه‌ له‌ نزیک بنغازی هێزێـکی تایبه‌ت ئه‌مه‌ریکایی (ئه‌حمه‌د ئه‌بو خه‌تاله‌)ی ده‌سـتگیرکرد که‌ ڕێبه‌رێـکی گه‌وره‌ی کۆمه‌ڵی تێرۆرسـتی ئه‌نسار ئه‌لشه‌ریعه‌ی‌‌ لیبیایه‌.
سه‌رۆک ئۆباما له‌ به‌یانـنامه‌یه‌کدا گوتی خۆی مۆڵه‌تی جێبه‌جێـکردنی ئۆپه‌راسیۆنه‌که‌ی دابوو و ئێسـتا ده‌بێت له‌ به‌رده‌م سـیسته‌می دادی ئه‌مه‌ریکا بوه‌سـتێت.
کاربه‌ده‌سـتانی له‌شـکری هیچ زانیاری زیاتریان له‌ باره‌ی ئۆپه‌راسیۆنه‌که‌وه‌ نه‌دا، به‌ڵام گوتیان هیچ که‌سێـکی سیڤیل زیانی پـێنه‌که‌وتووه‌ و هه‌موو ئه‌ندامانی هێزه‌که‌ش به‌ سه‌لامه‌تی گه‌ڕاونه‌ته‌وه‌.
XS
SM
MD
LG