Accessibility links

عه‌لی که‌ریمی: ڕووداوه‌کانی عێراق پلانێکی گه‌وره‌ی ناوچه‌که‌یه‌ بۆ سوننه‌کان له‌ژێر چه‌تری داعشدا

  • Balen Salih

 عه‌لی که‌ریمی

عه‌لی که‌ریمی

له‌گه‌ڵ هه‌روا دێ و ئاڵۆزبوونی زیاتری ڕه‌وشی ئاسایشی له‌ ناو عێراقدا باس له‌ چۆنیه‌تی پشتیوانیه‌کانی ئێرانیش ده‌کرێت له‌ حکومه‌تی عێراق که‌ شیعه‌کان تیایدا باڵا ده‌ستن.

عه‌لی که‌ریمی نوسه‌ر و لێکۆڵه‌ر ده‌ڵێت له‌م ڕووداوانه‌دا ئێران ده‌بێته‌ بابه‌تێکی زۆر گه‌وره‌، وه‌ک ده‌ڵێت ئێرانێک که‌ به‌ بێ هیچ گومانێک له‌ ماوه‌ی 35 ساڵی ڕابردوودا هه‌موو شتێکی له‌ پێناو شیعه‌ گه‌راییدا کردوه و ئێستا ئه‌گه‌ری دروستبوونی بونیادێکی سوننه‌ هه‌یه‌ له‌و پارێزگایانه‌ی عێراقدا بۆیه‌ تاران دووچاری کێشه‌یه‌کی گه‌وره‌ ده‌بێت.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، به‌ڕێز که‌ریمی ده‌شڵێت ناردنی هێزی سه‌ربازی چ له‌ لایه‌ن تورکیاوه‌ و چ له‌ لایه‌ن ئێرانیشه‌وه‌ که‌ ئێستا باس گه‌رم و گوڕه‌ له‌سه‌ر ناردنی هێز له‌لایه‌ن هه‌ردوو وڵاته‌وه‌، به‌ڵام وه‌ک ئاماژه‌ی پێده‌کات چونکه‌ سه‌رۆکی وڵاته‌ یه‌کگرتووه‌کانی ئه‌مریکا بڕیاری دا هێزی سه‌ربازی نه‌نێرێت بۆ عێراق ئیدی ئه‌م هه‌ڵوێسته‌ وه‌ها ده‌کات زۆر ئه‌سته‌م بێت بۆ هه‌ردوو ده‌وڵه‌تی تورکیا و ئێرانیش که‌ هێزی سه‌ربازی خۆیان بنێرن.

عه‌لی که‌ریمی ده‌ڵێت به‌ڵام تاران به‌ هه‌رچ شێوه‌یه‌ک بێت ڕێگه‌ی تر ده‌بینێته‌وه‌ بۆ ناردنی خه‌ڵکی خۆی هاوشێوه‌ی ئه‌وه‌ی چه‌ند ساڵه‌ له‌ سوریادا ده‌یکات.

زانیاری زیاتر له‌ ده‌قی وتووێژه‌که‌دایه‌:
XS
SM
MD
LG