Accessibility links

ئه‌مه‌ریکا لێـکۆڵینه‌وه‌ ده‌کات له‌ ڕۆیشتنی 15 ئه‌مه‌ریکایی به‌ ڕه‌چه‌ڵه‌ک سۆماڵی بۆ به‌شـداریکردن له‌ شه‌ڕی سوریا

  • VOA News

لێکۆڵه‌ره‌وانی فیدراڵی وڵاته‌ یه‌کگرتووه‌کانی ئه‌مه‌ریکا ده‌ڵێن 15 که‌سی ئه‌مه‌ریکایی به‌ ڕه‌چه‌ڵه‌ک سۆماڵی به‌م دوایـیانه‌ چوون بۆ سوریا بۆ ئه‌وه‌ی بچنه‌ پاڵ میلیتانانی ئیسلامی ، ئه‌وانه‌ی له‌ پێناو ڕووخاندنی حکومه‌ته‌که‌ی به‌شار ئه‌سه‌د ده‌جه‌نگن.
کارمه‌ندانی بیرۆی لێکۆڵینه‌وه‌ی فیدراڵی ئه‌مه‌ریکا ناسراو به‌ FBI له‌ ویلایه‌تی مینه‌سوتای باکوری وڵاته ‌یه‌کگرتووه‌کانی ئه‌مه‌ریکا بڕوایان وایه‌ ئه‌و که‌سانه‌ له‌ ناوچه‌ی میناپۆڵس و سانت پاوڵۆ‌وه‌ له‌ ماوه‌ی چه‌ند مانگی رابردوودا سه‌فه‌ریان بۆ سوریا کردبێت، ئه‌م دوو شاره‌ ژماره‌یه‌کی گه‌وره‌ له‌ خه‌ڵکانی به‌ ڕه‌چه‌ڵک سۆماڵی له‌ خۆ ده‌گرن.
له‌و باره‌یه‌وه‌ دوێنێ کایه‌ڵ لۆڤن وته‌بێژی FBI گوتی ده‌سه‌ڵاتدارانی ئه‌مه‌ریکایی له‌ هه‌وڵی ده‌ستنیشانکردنی ئه‌و ئه‌مه‌ریکاییه‌ به‌ ره‌چه‌ڵه‌ک سۆماڵیانه‌دان ئه‌وانه‌ی که‌ ره‌نگه‌ بیر له‌ چوون بۆ سوریا بکه‌نه‌وه‌ بۆ ئه‌وه‌ی په‌یوه‌ندی به‌ گروپه‌ ئیسلامیه‌کان له‌ سوریا بکه‌ن .
بیرۆی لێکۆڵینه‌وه‌ی فیدراڵی ده‌ڵێت میلیتانه‌کانی سه‌ر به‌ گروپی شه‌بابی بنکه‌ له‌ سۆماڵ، به‌ ماوه‌یه‌کی کورت دوای دامه‌زراندنی گروپی شه‌باب له‌ ساڵی 2007 دا ده‌ستیان به‌ هه‌ڵمه‌تی ئاماده‌کردنی شه‌ڕه‌وانان له‌ ئه‌مه‌ریکادا بۆ هه‌مان مه‌به‌ست کرد. کاربه‌ده‌ستانی ئه‌مه‌ریکایی ئاماژه‌ی ئه‌وه‌ ده‌که‌ن که‌ به‌لای که‌م 20 که‌س له‌ ئه‌مه‌ریکایی‌یه‌ به‌ ڕه‌چه‌ڵه‌ک سۆماڵی که‌ به‌شی زۆریان له‌ ناوچه‌ی میناپۆڵسن له‌ ئه‌مه‌ریکا چوونه‌ته‌ پاڵ گروپی شه‌باب له‌ سۆماڵ.
XS
SM
MD
LG