Accessibility links

ڕابه‌رانی سیاسی هیندسـتان ناڕه‌زایی ده‌رده‌بڕن له‌ به‌رامبه‌ر زیادبوونی ده‌سـتدرێژی سـێکسی له‌ ناوچه‌یه‌کی وڵاته‌که‌یاندا

  • VOA News

ڕابه‌رانی سیاسی نیشتیمانی له‌ هیندستان ڕه‌خنه‌ی توندیان له‌ به‌رپرسانی حکومه‌تی پارێزگای ئوتار پرادیش گرتووه‌ بۆ خراپبوونی ڕه‌وشی ئاسایشی له‌و ستانه‌ی باکوری هیندستاندا، ئه‌مه‌ش هاوکاتی ده‌نگۆکانی کاری نوێی ده‌ستدرێژی سێکسی.
جێی ئاماژه‌یه‌ ڕه‌خنه‌کانی ئه‌مڕۆی ڕابه‌رانی سیاسی هیندی له‌ ئاکامی ئه‌و تاوانه‌ قێزه‌ونانه‌ی پارێزگاکه‌ دێت ، له‌وانه‌ ده‌ستدرێژه‌که‌ی مانگی ڕابردوو هه‌روه‌ها کوشتنی دوو کچی نه‌وجه‌وان. ئه‌و دوو کچه‌ ته‌مه‌ن 12 و 14 ساڵانه‌ی که‌ ته‌رمه‌که‌یان له‌ لایه‌ن گوندنشینانه‌وه‌ به‌ هه‌ڵواسراوی به‌ درختێکه‌وه‌ دۆزرانه‌وه‌.
دوێنێ ژنێک رایگه‌یاند که‌ 4 ئه‌فسه‌ر به‌ کۆمه‌ڵ ده‌ستدرێژیان کردووه‌ته‌ سه‌ری له‌ نێو بنکه‌یه‌کی پـۆلیس له‌ ئوتار پارادیش به‌ هۆی ئه‌وه‌ی ئه‌م خانمه‌ ڕازی نه‌بووه‌ به‌رتیل بداته‌ ئه‌و ئه‌فسه‌رانه‌ی پـۆلیس بۆ ئه‌وه‌ی هاوسه‌ره‌کی ده‌ست به‌سه‌رکرابوو ئازادی دبکه‌ن.
XS
SM
MD
LG