Accessibility links

لایه‌نه‌ ئیسلامییه‌کانی سوریا هه‌وڵ ده‌ده‌ن نه‌یاره‌کانیان له‌ حه‌له‌ب ده‌ربکه‌ن

  • VOA News

بزاڤکاران ده‌ڵێن هاوپه‌یمانی سه‌رهه‌ڵداوان له‌ سوریا که‌ به ‌زۆری لایه‌نه‌ ئیسلامییه‌کان له‌ خۆ ده‌گرێت گوشارێکی نوێیان کردووه‌ بۆ وه‌ده‌رهێنانی کۆمه‌ڵه‌ی ئه‌لقاعیده‌ی ڕکابه‌ریان له‌ پاڕێزگای حه‌له‌ب له‌ باکووری وڵاته‌که‌.
ئه‌م هه‌واڵه‌ی له‌ لایه‌ن چاودێری مافی مرۆڤی سوری بنکه‌ له‌ به‌ریتانیاش پشتڕاستکراوه‌ته‌وه‌، هاتووه‌ له‌م ده‌مه‌ی کۆمه‌ڵی ده‌وڵه‌تی ئیسلامی له‌ عێراق و شام که‌ به‌ داعش ده‌ناسرێت ده‌ستیان گرتووه‌ به‌سه‌ر به‌شێکی گه‌وره‌ی موسڵ، دووهه‌م گه‌ورترین شار له‌ عێراقی دراوسێی سوریا.
له‌گه‌ڵ ئه‌وه‌ی ورده‌کاری ئه‌و هه‌وڵه‌ نوێیه‌ هێشتا ئاشکرا نه‌کراوه‌ به‌ڵام به‌ره‌ی ئیسلامی که‌ یه‌کێکه‌ له‌ کۆمه‌ڵه‌کانی ئه‌و هاوپه‌یمانه‌ ده‌ڵێت چه‌کداره‌کانیان له‌م دواییه‌دا چوار گوندیان له‌ کۆمه‌ڵه‌ی ده‌وڵه‌تی ئیسلامی له‌ عێراق وشام سه‌ندۆته‌وه‌ و 17 چه‌کداریان لێ کوشتوون.
ئه‌م شه‌ڕه‌ نێوان سه‌رهه‌ڵداوه‌کان خۆیاندا له‌وه‌تای مانگی یه‌که‌وه‌ له‌ ناوچه‌کانی ژێر ده‌ستی ئۆپۆزسیۆن له‌ باکووری سوریا ده‌ستیپێکردووه‌.‌
جێی باسه‌ کۆمه‌ڵه‌ی ده‌وڵه‌تی ئیسلامی له‌ عێراق و شام بنکه‌یان له‌ پاریزگای حه‌له‌به‌ له‌ شاره‌کانی منبج و ئه‌لباب. هه‌روه‌ها کۆنتڕۆڵی ناوچه‌کان ده‌که‌ن هه‌ر له‌ شاری ڕه‌قه‌ له‌ باکووری خۆرهه‌ڵاته‌وه‌ تا ده‌گاته‌ پارێزگای دێر ئه‌لزوور له‌ خۆرهه‌ڵاتی سوریا.
XS
SM
MD
LG