Accessibility links

5 سه‌ربازی ئه‌مه‌ریکایی له‌ ئه‌فغانسـتان ده‌کوژرێن

  • VOA News

کاربه‌ده‌سـتانی وه‌زاره‌تی به‌رگری ئه‌مه‌ریکا ده‌ڵێن له‌ میانه‌ی ئۆپه‌راسیۆنێـکدا له‌ ڕۆژی دووشه‌ممه‌ له‌ باشوری ئه‌فغانسـتان 5 سه‌ربازی ئه‌مه‌ریکایی کوژراون و پـێده‌چێت به‌ هه‌ڵه‌ به‌ ده‌ستی هێزه‌کانی خۆیان ڕووداوه‌که‌ بووبێت.
هێزی یارمه‌تیده‌ری ئاسایشی نێوده‌وڵه‌تی ناسراو به‌ " ئیساف" ئه‌مڕۆ سێشه‌ممه‌ له‌ به‌یانـنامه‌یه‌کدا گوتی ڕووداوه‌که‌ له‌و ده‌مه‌دا بووه‌ که‌ ئه‌و سه‌ربازانه‌ له‌ کاتی ئۆپه‌راسیۆنه‌که‌ زۆر له‌ هێزه‌کانی دوژمنه‌وه‌ نزیکبووبوونه‌وه‌، بۆیه‌ ڕه‌نگه‌ به‌ ده‌سـتی هێزه‌کانی خۆیان پـێوه‌ بووبن.
کاربه‌ده‌سـتێـکی له‌شـکری ئه‌فغانی گوتی هه‌روه‌ها سه‌ربازێـکی ئه‌فغانیش له‌و ڕووداوه‌دا کوژراوه‌ که‌ له‌ پارێزگای زابول بووبوو.
غولام ساخی سه‌رۆکی پـۆلیسی پارێزگاکه‌ به‌ په‌یامنێرانی گوت له‌و کاته‌ی هێزێـکی هاوپه‌یمان له‌ ئۆپه‌راسیۆنێـکی ئاسایشی له‌ ناوچه‌ی ئارغانداب ده‌گه‌ڕایه‌وه‌، که‌وته‌ پـۆسه‌ی میلیتانه‌کانه‌وه‌ و ناچار داوای پـشـتیوانی ئاسمانی کرد، بۆیه‌ پـێده‌چێت به‌ بۆردومانی هه‌لیکۆپـته‌ره‌کان کوژرابن.
تاڵیبان به‌رپـرسیارێتی خۆی له‌ ڕووداوه‌که‌ ڕاگه‌یاند و به‌ڵێنی دا په‌ره‌ به‌ هێرشه‌کانی خۆی بدات به‌ر له‌ به‌ڕێوه‌چوونی هه‌ڵبژاردنه‌کانی سه‌رۆکایه‌تی له‌ ڕۆژی شه‌ممه‌دا.
XS
SM
MD
LG