Accessibility links

توندڕه‌وان هێرش ده‌که‌نه‌ سه‌ر فڕۆکه‌خانه‌ی که‌ڕاچی


توندڕه‌وان به‌ چه‌کی قورسه‌وه‌ هێرشیان کردۆته‌ سه‌ر فڕۆکه‌خانه‌ی سه‌ره‌کی له‌ شاری که‌ڕاچی و شه‌ڕێکی پێنج کاژمێریی ڕوویداوه‌ له‌ نێوان توندڕه‌وان و هێزه‌ ئاسایشیه‌کاندا و 23 که‌س کوژراون.

کاربه‌ده‌ستان ده‌ڵێن له‌و هێرشه‌ی ڕۆژی یه‌کشه‌ممه‌ی توندڕه‌واندا ئه‌و 10 چه‌کداره‌ی هێرشه‌که‌یان کردبوو یان به‌ ده‌ستی پۆلیس کوژراون یان خۆیان خۆیان ته‌قاندۆته‌وه‌.
کاربه‌ده‌ستان ئاماژه‌شیان به‌وه‌ کردووه‌ هێرشبه‌ره‌کان جل و به‌رگی پاسه‌وانه‌کانی فڕۆکه‌ خانه‌که‌یان له‌به‌ردا بووه‌ و هه‌نارۆک و ئاڕ پی جییان به‌کار هێناوه‌ تا بگه‌نه‌ تێرمیناڵی فڕۆکه‌خانه‌ نێونه‌ته‌وه‌ییه‌که‌ی که‌ڕاچی.

له‌ ده‌می شه‌ڕه‌که‌دا ده‌نگی ته‌قینه‌وه‌ی گه‌وره‌ ده‌بیسترا و شه‌ڕه‌که‌ش تا زوویه‌کی ئه‌مڕۆ دووشه‌ممه‌ی خایاندووه‌ به‌ کاتی پاکستان.
فڕۆکه‌خانه‌که‌ چۆڵ کراوه‌ و وه‌ک ڕاپۆرته‌ هه‌واڵیه‌کان ده‌ڵێن که‌سی سیڤیڵ له‌م شه‌ڕه‌دا زیانی پێنه‌که‌وتووه‌.

نه‌واز شه‌ریف سه‌ره‌ک وه‌زیری پاکستان ئیدانه‌ی هێرشبه‌رانی کردووه‌.

تا ئاماده‌کردنی ئه‌م هه‌واڵه‌ش هێشتا هیچ لایه‌نێک به‌رپرسیارێتی خۆی له‌م هێرشه‌ ڕانه‌گه‌یاندووه‌ به‌ڵام کاربه‌ده‌ستانی پاکستانی ده‌ڵێن ئه‌و چه‌کدارانه‌ له‌و تێرۆریستانه‌ن که‌ دروشمیان بریتیه‌ له‌ "بمره‌ و بکوژه".

گومانه‌کان به‌ ئاڕاسته‌ی تاڵیبانه‌کانی پاکستاندایه‌ که‌ له‌م ماوه‌یه‌ی ڕابردوودا له‌ وتووێژه‌کانیان له‌گه‌ڵ حکومه‌تی پاکستاندا بۆ ئاشتی شکستی هێنا. ‌
XS
SM
MD
LG