Accessibility links

سه‌رۆک ئۆباما داوا له‌ پـوتن ده‌کات گرژیـیه‌کانی ئۆکرانیا خاو بکاته‌وه‌


کاربه‌ده‌سـتێـکی ئه‌مه‌ریکایی گوتی سه‌رۆک ئۆباما داوای له‌ فلادیمیر پـوتن هاوتا ڕووسیـیه‌که‌ی کردووه‌ گرژیـیه‌کانی ناو ئۆکرانیا خاو بکاته‌وه‌، ئه‌گه‌ر نا ئه‌وا ڕووبه‌ڕووی گۆشه‌گیرکردنێـکی گه‌وره‌ی نێوده‌وڵه‌تی ده‌بێته‌وه‌.
ڕۆژی هه‌ینی له‌ په‌راوێزی مه‌راسیمه‌کانی له‌ فه‌ڕه‌نسـا سـازکران به‌ بۆنه‌ی 70 هه‌مین سـاڵیادی شه‌ڕی نۆرمه‌ندی، سه‌رۆک ئۆباما بۆ ماوه‌ی 15 خوله‌ک له‌گه‌ڵ سه‌رۆکی ڕووسیا کۆبووه‌وه‌ و ئه‌مه‌ی پـێ ڕاگه‌یاند.
بێن ڕۆدس یاریده‌ده‌ری ڕاوێژکاری سه‌رۆک ئۆباما بۆ کاروباری ئاسایشی نیشـتیمانی گوتی کۆبوونه‌وه‌که‌ له‌ میانه‌ی نیوه‌ڕۆخوانی ڕێبه‌ران بووه‌ و کۆبوونه‌وه‌یه‌کی فه‌رمی نه‌بووه‌.
جێی ئاماژه‌یه‌ ئه‌مه‌ یه‌که‌م چاوپـێـکه‌وتنی هه‌ردوو سه‌رۆکه‌ له‌وه‌تای قه‌یرانی ئۆکرانیا ده‌سـتیپـێـکردووه‌ و کاری کردووه‌ته‌ سه‌ر په‌یوه‌ندیـیه‌کانی نێوان ئه‌مه‌ریکا و ڕووسیا.
XS
SM
MD
LG