Accessibility links

له‌ چه‌ند هێرشێـکدا له‌ موسڵ 45 که‌س ده‌کوژرێن و 100 که‌سیش بریندارده‌بن

  • VOA News

بارى تەنگەتاوى لە پارێزگاى موسڵ راگەیه‌ندرا دواى ئەوەى چەکداران چەندین هێرشى خۆکوژى و پەلامارى چەکداریـیان لە چەندین ناوچەى موسڵ ئەنجام دا و بەهۆیانەوە لایەنى کەم 45 کەس لە هاوڵاتى سیڤیل و سەرباز و چەکداران کوژران و زیاتر لە 100 کەسیش برینداربوون. کاربەدەستانى موسڵ هێرشەکانى ڕۆژی هه‌ینی بە خوێناویترین لە ماوەى دوو ساڵى رابردوو ناودێرده‌که‌ن.
بەپێى سەرچاوەکان سەرەتاى هێرشەکان لە گوندێکى شەبەک نیشین بە ناوى موەفەقیەى سەر بە ناحیەى بەرتڵـڵە لە رۆژهەڵاتى موسڵ دەستیپێکرد کاتێک دوو هێرشبەرى خۆکوژ بە ڕێگاى ئۆتۆمبیلى بۆمبڕێژکراو خۆیان لە ناو گوندەکە تەقاندەوە و بەهۆیانەوە لایەنى کەم 6 هاوڵاتى کوژران کە ژنێک و دوو منداڵ لەنێویاندا بوون له‌گه‌ڵ زیاتر لە 56 هاوڵاتى دیکەش برینداربوون.
هەروەها بەهۆى چەندین هێرشى دیکە و شەڕوپێکدادان لە نێوان چەکدارانى داعش و هێزە ئاسایشیەکان لایەنى کەم 40 کەسى دیکە لە سەرباز و هاوڵاتى و چەکداران کوژران و زیاتر لە 50 دیکەش برینداربوون.
ئەسیل نوجەیفى پارێزگارى موسڵ لە کۆنفراسێکى رۆژنامەوانیدا رایگەیاند زیاتر لە 6 مانگە هەوڵێک هەیە بۆ گواستنەوەى شەڕى فەلـلوجە بۆ موسڵ . دکتۆر حونەین قەدۆ سەرۆکى تەجەموعى شەبەکى دیموکراتى لەبارەى تەقینەوەکانى گوندێکى شەبەک نیشین بۆ دەنگى ئەمریکا دەڵێت کۆمەڵ کوژى دژى شەبەکەکان بەڕێوەدەچێت و دەشڵێت چونکە شەبەک بێ خاوەنە.
لە لێدوانێکى تایبەتیشیدا بۆ دەنگى ئەمریکا، زوهێر ئەعرەجی پەرلەمانتارى خولى رابردووى پەرلەمانى عیراق رایگەیاند کەوا موسڵ لە لێوارى مەترسیەکى گەورەى داعشدایە.
XS
SM
MD
LG