Accessibility links

کاربه‌ده‌سـتێـکی لیبیا: هه‌ڵبژاردنی ئه‌حمه‌د معێتق بۆ پـۆستی سه‌رۆک وه‌زیر کارێـکی نایاسایی بووه‌

  • VOA News

کاربه‌ده‌ستێـکی ئۆفیسی داواکاری گشـتی دادگای باڵای ده‌سـتوری لیبیا ده‌ڵێت هه‌ڵبژاردنی ئه‌حمه‌د معێتق بۆ پـۆسـتی سه‌رۆک وه‌زیر کارێـکی نایاسایی بووه‌ و به‌وه‌ ده‌سـتوری کاتی وڵات پـێشـێلکراوه‌.
ئاژانسی ده‌نگ‌وباسی ڕۆیته‌رز ڕۆژی پـێـنجشه‌ممه‌ له‌ زاری کاربه‌ده‌سـته‌که‌وه‌ بڵاویکرده‌وه‌ که‌ گوتویه‌تی ئه‌و دانیشتنه‌ی کۆنگره‌ی نیشـتیمانی لیبیا که‌ تیایدا معێتق هه‌ڵبژێردرا‌ یاسایی نه‌بووه‌، چونکه‌ ژماره‌ی پـێویستی ئه‌ندامان به‌پـێی ده‌سـتور بۆ هه‌ڵبژاردنه‌که‌ ئاماده‌ی دانیشتنه‌که‌ نه‌بووبوون، به‌ڵام تیمی پارێزه‌رانی معێتق سوورن له‌سه‌ر ڕه‌وایی هه‌ڵبژاردنه‌که‌.
دادگای باڵای ده‌سـتوری لای خۆیه‌وه‌ ڕایگه‌یاند 9 ی ئه‌م مانگه‌ بڕیاری خۆی له‌م باره‌یه‌وه‌ بدات.
جێی ئاماژه‌یه‌ لایه‌نه‌ ئیسلامیـیه‌کان پـشـتیوانی له‌ معێتق ده‌که‌ن.
XS
SM
MD
LG