Accessibility links

ئه‌لسیسی 96.9% ی ده‌نگه‌کانی له‌ هه‌ڵبژاردنه‌کانی سه‌رۆکایه‌تی میسر به‌ده‌سـت‌ده‌هێنێت

  • VOA News

کۆمسیۆنی باڵای هه‌ڵبژاردنه‌کان له‌ میسر ڕایگه‌یاند عه‌بدولفه‌تاح ئه‌لسیسی سه‌رۆکی پـێشـووی له‌شـکر براوه‌ی هه‌ڵبژاردنه‌کانی سه‌رۆکایه‌تیـیه‌ که‌ تیایدا 96.91 % ی ده‌نگه‌کانی به‌ده‌سـتهێناوه‌.
کۆمسیۆنه‌که‌ سێشه‌ممه‌ ئه‌نجامی هه‌ڵبژاردنه‌که‌ی بڵاوکرده‌وه‌ و گوتی ئه‌لسیسی 23.780104 ملیۆن ده‌نگی به‌ده‌سـتهێناوه‌ و ڕکه‌به‌ره‌که‌ی حه‌مدین سه‌باحی 757.511 هه‌زار ده‌نگ. گوتیشی ڕێژه‌ی به‌شـداربووانی هه‌ڵبژاردنه‌که‌ 47% بووه‌.
سه‌باحی له‌ په‌یوه‌ندیـیه‌کی ته‌له‌فۆنیدا پـیرۆزبایی له‌ سیسی کردووه‌ و هیوای سه‌رکه‌وتنی بۆ خواستووه‌.
له‌گه‌ڵ هه‌واڵه‌که‌ ئاهه‌نگ‌گێڕان له‌ مه‌یدانی ته‌حریری قاهیره‌ی پایته‌خت ده‌سـتیپـێکرد.
له‌ لایه‌کی دیکه‌ شا عه‌بدوڵڵای عه‌ره‌بسـتانی سعودیـیه‌ به‌و بۆنه‌یه‌ په‌یامێـکی پـێرۆزبایی ئاڕاسته‌ی‌ عه‌بدولفه‌تاح ئه‌لسیسی کرد و تیایدا گوتویه‌تی ئه‌مه‌ ڕۆژێـکی مێژویی‌یه‌ بۆ میسریـیه‌کان.
XS
SM
MD
LG