Accessibility links

بڕیاره‌ پوتن و هۆلاند وتووێژ له‌سه‌ر قه‌یرانی ئۆکرانیا بکه‌ن


ڤلادیمیر پوتن سه‌رۆکی ڕوسیا له‌م هه‌فته‌یه‌دا به‌ره‌و پاریس به‌ڕیده‌که‌وێت بۆ وتووێژ له‌سه‌ر بارودۆخ له‌ ئۆکرانیا له‌گه‌ڵ فرانسوا هۆلاندی سه‌رۆکی فه‌ره‌نسا، که‌ ئه‌ویش یه‌که‌م کۆبونه‌وه‌ی پوتنه‌ له‌گه‌ڵ ڕێبه‌رێکی خۆرئاوایی له‌وه‌تای قه‌یرانی ئۆکرانیا ده‌ستی پێکردووه‌.
یاریده‌رێکی پوتن ئه‌مڕۆ چوارشه‌ممه‌ رایگه‌یاند هێشتا هێچ پلانیکی فه‌رمی نییه‌ بۆ کۆبونه‌وه‌ی سه‌رۆکی ڕوسیا له‌گه‌ڵ براك ئۆبامای سه‌رۆکی ئه‌مه‌ریکا، ده‌یڤد کامیرۆنی سه‌رۆك وه‌زیری به‌ریتانیا و ئه‌نگێلا مێرکڵی ڕاوێژکاری ئه‌ڵمانیا، که‌ هه‌ر هه‌موویان له‌ هه‌مان کاتدا له‌ فه‌ره‌نسا ده‌بن، به‌ڵام ڕه‌نگه‌ وتووێژی نافه‌رمی ئه‌نجام بدرێت.
جێی باسه‌ ڕوسیاش هه‌روه‌ها داوای کردووه‌ ده‌ستبه‌جێ کرده‌وه‌کانی له‌شکری ئۆکرانیا دژ به‌ جوداخوازان له‌ خۆرهه‌ڵاتی وڵاته‌که‌دا‌ ڕابگیرێت و دایالۆگی ئاشتیانه‌ به‌ڕیوه‌بچێت.
بان کی مۆنی سکرتێری گشتی نه‌ته‌وه ‌یه‌کگرتووه‌کان هۆشیاریدا له‌ ڕۆژی سێشه‌ممه‌ دا سه‌باره‌ت به‌ به‌رده‌وامبوونی توندوتێژی له‌ ئۆکرانیا و داوای له‌ حکومه‌تی کیڤ کرد ڕێگه‌چاره‌ی ئاشتیانه‌ بگرێته‌به‌ر بۆ سه‌رله‌نۆی ده‌ستگرتنه‌وه‌ به‌سه‌ر خۆرهه‌ڵاتی وڵاته‌که‌ی.
XS
SM
MD
LG