Accessibility links

له‌ ڕووداوێـکی شه‌مه‌نده‌فه‌ر له‌ هیندستان 40 که‌س ده‌کوژرێن

  • VOA News

به‌رپرسانی هێڵی ئاسنین له‌ هه‌رێمی باکوری هیندستان ده‌ڵێن به‌ هۆی ڕووداوی شه‌مه‌مه‌نده‌فه‌رێک به‌ لایه‌نی که‌م 40 که‌س کوژراون و 150 که‌سیش برینداربوون.
سه‌باره‌ت به‌ ڕووداوه‌که‌ کاربه‌ده‌ستانی هیندی ده‌ڵێن شه‌مه‌نده‌فه‌رێک ڕۆژی دووشه‌ممه‌ له‌ وێستگه‌ی چرێب له‌ ستانی ئوتار پراده‌یش خۆی کێشاوه‌ به‌ شه‌مه‌نده‌فه‌رێکی بار هه‌ڵگری ڕاوه‌ستاو له‌ وێستگه‌که‌دا و له‌ ئاکامدا 6 له‌ فارگۆنی شه‌مه‌نده‌فه‌ره‌که‌ له‌ سه‌ر ڕێڕه‌وی ئاسنینی خۆی ده‌رچووه‌.
شایه‌نی باسه‌، نارندرا مۆدی ئه‌وه‌ی له‌ دره‌نگانێکی دووشه‌ممه‌ وه‌ک سه‌رۆک وه‌زیری نوێی وڵات سوێندی یاسایی ده‌خوات، پرسه ‌و سه‌ره‌خۆشی خۆی پێشکه‌ش به‌ خانه‌واده‌ی قوربانیانی ڕووداوه‌که‌ کرد‌.
ڕووداوی شه‌مه‌نده‌فه‌ر له‌ هیندستان دیارده‌یه‌کی باوه‌ و تۆڕی هێلی ئاسنین له‌ هیندستان گه‌ره‌ترین ئامرازی گواستنه‌وه‌یه‌ له‌ جیهاندا و ئۆباڵی به‌شی زۆری ڕووداوه‌کانی شه‌مه‌نده‌فه‌ر له‌و وڵاته‌ به‌هۆی خراپ راگرتنی سیستمه‌که ‌و هه‌روه‌ها هه‌ڵه‌ی مرۆڤه‌وه‌یه‌.
XS
SM
MD
LG