Accessibility links

23 که‌س ده‌بنه‌ قوربانی هێرشێکی موشه‌کی له‌شکری سوریا که‌ 8 منداڵیان له‌ نێواندایه‌

  • VOA News

بزاڤکارانی سوریا ده‌ڵێن له ئاکامی هاویشتنی موشه‌کی زه‌مین بۆ زه‌مین له‌ لایه‌ن له‌شکری سوریاوه‌ که‌ به‌ر ناوچه‌یه‌کی دانیشتوانی هه‌ژار که‌وت له‌ شارۆچکه‌یه‌کی ژێر ده‌سه‌ڵاتی سه‌رهه‌ڵداوان له‌ باکوور، 23 که‌س کوژران که‌ 8 منداڵیان له‌ نێواندایه‌.
ئه‌مڕۆ سێشه‌ممه‌ چالاکوانێکی ناوخۆ که‌ خۆی وه‌ك ئه‌بو ئه‌لحه‌سه‌ن ناساند گوتی هێرشه‌که‌ له‌ نیوه‌ شه‌ودا کرایه‌ سه‌ر شارۆچکه‌ی مارع له‌و ده‌مه‌ی خه‌ڵکه‌که‌ له‌ ماڵه‌کانیان خه‌وتبوون . گوتیشی له ‌نێو کوژراوه‌کاندا خێزانێکی 10 که‌سی هه‌یه‌ که‌ 8 منداڵیان له‌ نێواندایه‌.
ئه‌لحه‌سه‌ن گوتیشی ئاگاداری هیچ شه‌ڕێك نه‌بووه‌ که‌ له‌ ناوچه‌که‌دا ڕوویدابێت. هه‌روه‌ها کۆمه‌ڵه‌ی چاودێری مافه‌کانی مرۆڤی سوری بنکه‌ له‌ به‌ریتانیا هه‌واڵی هێرشه‌که‌ی بۆ سه‌ر مارع پشتڕاستکرده‌وه‌.
کۆمه‌ڵه‌کانی مافه‌کان و بزاڤکارانی ناوخۆ ده‌ڵێن هێزه‌کانی له‌شکری سوریا به‌رده‌وام هێرش ده‌که‌نه‌ سه‌ر ناوچه‌کانی ژێر کۆنتروڵی سه‌رهه‌ڵداوان که‌ موڵک و ماڵی خه‌ڵکی ده‌کاته‌ ئامانج و هه‌تا ڕاده‌یه‌کی به‌رچاو که‌سی سیڤیل ده‌کوژین.
XS
SM
MD
LG