Accessibility links

وه‌زیری به‌رگری حکومه‌تی ئۆپـۆزسیۆنی سوریا ده‌ست له‌کارده‌کێشێته‌وه‌

  • VOA News

وه‌زیری به‌رگری حکومه‌تی کاتی ئۆپـۆزسیۆنی سوریا ده‌ستی له‌ کاره‌که‌ی کێشـایه‌وه‌ وه‌ک ده‌ربڕینی ناڕه‌زایی له‌ به‌رامبه‌ر بێ توانایی وه‌زاره‌ته‌که‌ی به‌هۆی که‌می ئه‌و کۆمه‌ک و یارمه‌تیـیانه‌ی پـێـی ده‌گات.
ئه‌سعه‌د مسته‌فا له‌ وتووێژێـکدا له‌گه‌ڵ ڕادیۆی سه‌وا گوتی ئه‌وه‌ی لـێـیان داواده‌کرێت زۆر زیاتره‌ له‌ تواناکانی وه‌زاره‌تی به‌رگری، بۆیه‌ بڕیاری داوه‌ واز له‌ پـۆسته‌که‌ی بهێنێت. ده‌ڵێت ناتوانێت ئه‌و به‌رپـرسیارێتیـیه‌ له‌ ئه‌سـتۆی خۆی بگرێت له‌ کاتێـکدا وه‌زاره‌تی به‌رگری هیچی له‌ده‌ست نه‌یه‌ت بیکات.
پاشـان ڕه‌خنه‌ی له‌ وڵاتانی ڕۆژئاوا گرت و گوتی ڕاسته‌ ئه‌وان دۆسـتمانن، به‌ڵام له‌گه‌ڵماندا که‌م ته‌رخه‌من، چونکه‌ به‌ چاوی خۆیان ده‌بینن چی به‌سه‌ر سوریـیه‌کان دێت به‌ده‌ستی ڕژێم‌، به‌ڵام هاوکاریـیه‌کی ئه‌وتۆیان ناکه‌ن ته‌نانه‌ت بۆ ڕاگرتنی هێرشه‌کانی ڕژێمیش.
XS
SM
MD
LG