Accessibility links

پارتی ئۆپـۆزسیۆنی هیندسـتان خۆی بۆ گرتنه‌ ده‌سـتی حکومه‌ت ئاماده‌ ده‌کات


له‌ هیندسـتان ناریندرا مۆدی سه‌ر به‌ پارتی به‌هارتیا جه‌نتا خۆی بۆ پـۆسـتی سه‌رۆک وه‌زیری وڵاته‌که‌ی ئاماده‌ ده‌کات، پاش ئه‌وه‌ی ئه‌نجامی هه‌ڵبژاردنه‌کان نیشـانی ده‌ده‌ن پارته‌که‌ی ده‌نگێـکی زۆری به‌ده‌سـتهێناوه‌.
پارتی کۆنگرس که‌وا 10 سـاڵه‌ حوکمڕانی هیندسـتان ده‌کات دانی به‌ شـکسـتهێنانه‌که‌ی هێنا. چاودێران ده‌ڵێن زنجیره‌یه‌ک گه‌ندڵی و هاڵئاوسانی دارایی و سـستی ئابوری زیانی به‌ پـێـگه‌ی ئه‌م پارته‌ گه‌یاند.
ده‌زگاکانی ڕاگه‌یاندنی هیندسـتان ده‌ڵێن به‌ پـێی ئه‌نجامه‌ نافه‌رمیـیه‌کان پـێده‌چێت پارتی به‌هارتیا جه‌نتا له‌م هه‌ڵبژاردنه‌دا گه‌وره‌ترین سه‌رکه‌وتن به‌ده‌سـتبهێنێت که‌ 30 سـاڵه‌ ئه‌نجامی وه‌های به‌خۆیه‌وه‌ نه‌دیوه‌. ئه‌گه‌ربێت و پـێـشبینیـیه‌کان ڕاست ده‌ربچن، ئه‌وا پارتی کۆنگرس به‌بێ پـێـکهێنانی هاوبه‌ندی له‌گه‌ڵ ڕێبه‌رانی هه‌رێمه‌کاندا ده‌توانێت حکومه‌ت پـێـکبهێنێت.
پـرۆسه‌ی ده‌نگدانه‌که‌ بۆ ماوه‌ی 5 هه‌فته‌ درێژه‌ی کێشـا و ڕۆژی دووشه‌ممه‌ کۆتایی‌پـێهات. کۆمسیۆنی هه‌ڵبژاردنه‌کانی هیندسـتان ده‌ڵێت 66% ی ئه‌و 815 ملیۆن که‌سه‌ی مافی ده‌نگدانیان هه‌بووه‌ ده‌نگیان له‌م هه‌ڵبژاردنه‌ داوه‌.
XS
SM
MD
LG