Accessibility links

سه‌رۆکی ئۆکرانیا ده‌ڵێت هێزه‌کانیان دوو بنکه‌ی یاخیبوانیان وێرانکردووه‌

  • VOA News

سه‌رۆکی کاتی ئۆکرانیا ده‌ڵێت هێزه‌کانی وڵاته‌که‌ی دوو بنکه‌ی له‌شکری یاخیبوانی سه‌ر به‌ رووسیایان تێکشکاندووه‌.
له‌و باره‌یه‌وه‌ ئه‌لێگزانده‌ر تۆرچینۆڤ ڕۆژی پـێنجشه‌ممه‌ به‌ په‌رله‌مانی ئۆکرانی گوت که‌ سه‌بازانی ئۆکرانی شه‌وی چوارشه‌ممه‌ له‌ کرده‌یه‌کی له‌شکریدا بنکه‌یه‌کی له‌شکری یاخیبوانیان له‌ ده‌ره‌وه‌ی شارۆچکه‌ی کراماتۆرسکی خۆرهه‌ڵاتی وڵات وێرانکردوو. هه‌روه‌ها له‌ کرده‌یه‌کی دیکه‌دا بنکه‌یه‌کی جوداخوازانی سه‌ر به ‌ڕووسیایان له‌ نزیک شارۆچکه‌ی سلۆڤیانسک خاپور کردووه‌.
ئه‌وه‌ی شایه‌نی باسه‌؛ یاخیبوانی جوداخوازانی سه‌ر به ڕووسیا له سه‌رانسه‌ری‌ هه‌رێمی خۆرهه‌ڵاتی ئۆکرانیادا ده‌ستیان به‌ سه‌ر فه‌رمانگه‌ حکومه‌تیه‌کاندا گرتووه‌ و شه‌ڕ له‌ دژی سوپای ئۆکرانی ده‌که‌ن و هه‌وه‌ها سه‌ربه‌خۆییان له‌ دوو هه‌رێمی خۆرهه‌ڵاتی وڵاتدا راگه‌یاندووه‌.
ڕۆژی چوارشه‌ممه‌ به‌بێ به‌شداریکردنی جوداخوازانی سه‌ر به‌ ڕووسیا، ئۆکرانیا ده‌ستیکرد به‌ وتووێژه‌کانی یه‌کڕیزی نیشتیمانی، جوداخوازانی لایه‌نگرانی ڕووسیا له‌ هه‌رێمه‌کانی خۆرهه‌ڵات و هه‌روه‌ها له‌ باشوری خۆرهه‌ڵاتی ئۆکرانیا هه‌وڵی جیابوونه‌وه‌ له‌ کیێڤ ده‌ده‌ن.
وتووێژه‌کانی ئۆکرانی ئه‌وه‌ی به‌ 11 رۆژ به‌ر له‌ هه‌ڵبژاردنی سه‌رۆکایه‌تی ئۆکرانیا ده‌سیپێکرد، به‌شێکن له‌ پلانی نه‌خشه‌ی ڕێگا، ئه‌وه‌ی له‌ لایه‌ن رێکخراوی ئاسایش و هاریکاری له‌ ئه‌وروپا پشتیوانی ده‌کرێت. شیکاران ده‌ڵێن؛ دورخستنه‌وه‌ی به‌ مه‌به‌ستی جوداخوازان له‌ به‌شداریکردنیان له‌م وتووێژانه‌ ، گومانی ئه‌وه‌ دێنێته‌ ئاراوه‌ که‌ ئه‌م کۆبوونه‌وه ‌و وتووێژانه‌ له‌ ئۆکرانیا بتوانن گرژی نه‌ژادی خاوبکه‌نه‌وه‌، که‌ هه‌ڕه‌شه‌ی که‌رتکردنی وڵاته‌که‌ی لێده‌کرێت.
XS
SM
MD
LG