Accessibility links

له‌ یه‌مه‌ن 10 چه‌کداری ئه‌لقاعیده‌ و 8 سه‌رباز ده‌کوژرێن

  • VOA News

کاربه‌ده‌سـتانی یه‌مه‌ن ده‌ڵێن له‌ شه‌ڕی دژی ڕێـکخراوی ئه‌لقاعیده‌ له‌ دوو ناوچه‌ی وڵاته‌که‌یان 10 چه‌کداری سه‌ر به‌و ڕێـکخراوه‌ کوژراون.
ده‌ڵێن شه‌ڕه‌کان له‌ به‌ره‌به‌یانی ڕۆژی چوارشه‌ممه‌وه‌ له‌ جول ئه‌لریده‌ و عه‌ززانی پارێزگای شه‌بوه‌ ده‌سـتیپـێـکردووه‌ و بۆ چه‌ند کاژمێرێـک درێژه‌یان کێشاوه‌‌. سه‌رئه‌نجام شـکستیان به‌ چه‌کداره‌کان هێناوه‌ و ژماره‌یه‌کیان لێ ده‌سـتگیرکردوون به‌ به‌ڵگه‌ و چه‌ک و ته‌قه‌مه‌نی، ئه‌وانی دیکه‌شیان هه‌ڵاتوون. هه‌روه‌ها 5 ماشێنی چه‌کداره‌کان تێـکشـکاون.
زیانه‌ گیانیـیه‌کانی له‌شـکریش، 8 سه‌رباز کوژراون که‌ یه‌کێـکیان پله‌ی عه‌قید بووه‌.
حکومه‌تی یه‌مه‌ن ماوه‌ی دوو هه‌فته‌یه‌ هه‌ڵمه‌تێـکی گه‌وره‌ی له‌ باشوری وڵاته‌که‌ی له‌ دژی چه‌کدارانی ئه‌لقاعیده‌ ده‌سـتپـێـکردووه‌.
XS
SM
MD
LG