Accessibility links

ڕه‌زا مه‌نوچه‌هری: به‌رنامه‌ی ناوکی و دروستکردنی چه‌کی ئه‌تۆمی بنه‌مایه‌کی ستراتیژی و ئامانجێکی کۆماری ئیسلامی ئێرانه‌

  • Balen Salih

ڕه‌زا مه‌نوچه‌هری

ڕه‌زا مه‌نوچه‌هری

سه‌رۆکی ئێران ده‌ڵێت تاران ده‌ستبه‌رداری مافی خۆی نابێت بۆ هه‌بوونی ته‌کنه‌لۆژیای ناوکی له‌ وتووێژه‌کانی ئێران له‌گه‌ڵ کۆمه‌ڵگای نێونه‌ته‌وه‌ییدا که‌ تایبه‌ته‌ به‌ به‌رنامه‌ ناوکیه‌که‌ی کۆماری ئیسلامی ئێران.

ڕه‌زا مه‌نوچه‌هری، نوسه‌ر و لێکۆڵه‌ر ده‌ڵێت مه‌به‌ستی تاران له‌و به‌رنامه‌ ناوکیه‌ی بۆ ململانێ ناوچه‌ییه‌که‌یه‌ له‌ ده‌مێکدا پاکستان خاوه‌نی چه‌کی ناوکیه‌ و تورکیا ئه‌ندامی ناتۆیه‌ و روسیاش له‌و‌لایه‌وه‌ بوه‌ستێت و ئیسرائیلیش له‌ ناوچه‌که‌دایه‌ که‌ به‌رده‌وام ئێران وه‌ک مه‌ترسی بۆ سه‌ر خۆی سه‌یری ده‌کات و ده‌شڵێت ڕژێمی کۆماری ئیسلامی ده‌یه‌وێت به‌ چه‌کی ناوکی دڵنیایی بۆ مانه‌وه‌ی خۆیان دابین بکه‌ن.

به‌ڕێز مه‌نوچه‌هری ده‌ڵێت به‌شێک له‌ قسه‌کانی حه‌سه‌ن ڕۆحانی سه‌رۆکی ئێران که‌ ده‌ڵێت ده‌بێت له‌گه‌ڵ کۆمه‌ڵگای نێونه‌ته‌وه‌ییدا سه‌روسه‌ودا بکرێت ده‌گه‌ڕێته‌وه‌ بۆ ئه‌و قه‌یرانانه‌ی تاران تێی که‌وتووه‌ له‌سه‌ر ئاستی نێونه‌ته‌وه‌یی و وه‌ک ڕه‌زا مه‌نوچه‌هری ئاماژه‌ی پێده‌کات ئه‌م قه‌یرانانه‌ وه‌هایان کردووه‌ ئێران نه‌رمی بنوێنێت له‌گه‌ڵ کۆمه‌ڵگای نێونه‌ته‌وه‌ییدا.

به‌ڵێن ساڵح وتووێژی له‌گه‌ڵ ڕه‌زا مه‌نوچه‌هری کردووه‌.
زانیاری زیاتر له‌ ده‌قی وتووێژه‌که‌دایه‌:
XS
SM
MD
LG