Accessibility links

دوا به‌دوای دوو ڕۆژ له‌ ئاگربه‌ست، شه‌ڕێکی نۆی له‌سودانی باشوور ده‌ست پێده‌کات


شه‌ڕ له سودانی باشوور ده‌ستی پێکرده‌وه‌ دوا به‌دوای دوو ڕۆژ له‌ مۆرکردنی دووهه‌م ڕیکه‌وتننامه‌ی ئاشتی.
ئه‌و ڕیکه‌وتنه‌ی له‌ ڕۆژی هه‌ینیدا مورکرابوو، داوای ڕاگرتنی شه‌ڕ و کوشتاری ده‌کرد له‌ شه‌وی شه‌ممه‌وه‌‌. به‌ڵام ئه‌مڕۆ یه‌کشه‌ممه‌ حکومه‌تی باشووری سودان و چه‌کدارانی سه‌ر به‌ جێگری پێشوی سه‌رۆك گو‌تیان شه‌ڕه‌که‌ سه‌رله‌نۆی ده‌ستێ پێکردۆته‌وه‌. و هه‌ردوو لایان یه‌کتری بۆ هه‌ڵگیرساندنی توندوتیژی تاوانبار ده‌که‌ن.
کیۆڵ مانیانگ چوك وه‌زیری به‌رگری ده‌ڵێت سه‌رهه‌ڵداوان له‌ به‌ره‌به‌یانی ئه‌مڕۆ یه‌کشه‌ممه‌ هیڕشیان کردبووه‌ سه‌ر بنکه‌کانی حکومه‌ت له‌ نزیك شاری بانتیو.
ژه‌نه‌ڕاڵ لول ڕوای کونگ وته‌بێژی ئوپۆزسیۆن گوتی هێزه‌کانی حکومه‌ت له‌ دوو ولایه‌ت هیڕشیان کردبووه‌ سه‌ر سه‌رهه‌ڵداوان.
جێی ئاماژه‌ بۆ کردنه‌ کارمه‌ندانی فریا گوزاری به‌ هیوا بوون ڕێکه‌وتنه‌که‌ی ڕۆژی هه‌ینی ڕێ بۆ گه‌ڕانه‌وه‌ی دانیشتوانه‌که‌ به‌ره‌وه‌ ماڵه‌کانیان خۆشبکات. هه‌روه‌ها ڕێکه‌وتنێکی تر ‌ له‌ مانگی یه‌کدا ده‌ستبه‌جێ دوای مۆرکردنی شه‌ڕ ده‌ستی پێکرده‌وه‌.
XS
SM
MD
LG