Accessibility links

ئه‌ندامێـکی ده‌وڵه‌تی یاسای عێراق ده‌ڵێت نوری مالیکی گه‌ڕی سێـیه‌می سه‌رۆک وه‌زیری مسۆگه‌ره‌

  • VOA News

به‌ر له‌ ڕاگه‌یاندنی ئه‌نجامه‌کانی هه‌ڵبژاردن، ئیتیلافی ده‌وڵه‌تی یاسا باس له‌ سه‌رکه‌وتنی مالیکی ده‌کات له‌ پـرۆسه‌که‌ و له‌ لایه‌که‌وه‌ دروشمی پـێـکهێنانی حکومه‌تی زۆرینه‌ی سیاسی باس ده‌کات و له‌ لاکه‌ی تریشه‌وه‌ سه‌رله‌نوێ دروسـتکردنه‌وه‌ی هاوپه‌یمانی نیشـتیمانی شیعه‌کان وه‌ک پاڵپـشـتیـیه‌ک بۆ کاندیدی ئیتیلافه‌که‌یان.
عه‌لی شه‌لاهـ ئه‌ندامی ده‌وڵه‌تی قانون ڕایده‌گه‌یه‌نێت کوتله‌کانی هاوپه‌یمانی نیشـتیمانی شیعه‌کان پاش ڕاگه‌یاندنی ده‌رئه‌نجامه‌کان سه‌رله‌نوێ هاوپه‌یمانێتیـیه‌که‌یان دروسـتده‌که‌نه‌وه‌ و کاندیدیشـیان بۆ پـۆسـتی سه‌رۆکی حکومه‌تی داهاتوو نوری ئه‌لمالیکی ده‌بێت. شه‌لاهـ له‌ ڕاگه‌یاندنه‌که‌یدا ده‌ڵێت ئیتیلافه‌که‌یان براوه‌ی یه‌که‌می هه‌ڵبژاردنه‌که‌یه‌.
دکـتۆر عه‌دنان سه‌راج ئه‌ندامی ئیتیلافی ده‌وڵه‌تی یاسا و کاندیدی ئه‌م ئیتیلافه‌ بۆ په‌رله‌مانی داهاتووی عێراق له‌م باره‌یه‌‌وه‌ بۆ ده‌نگی ئه‌مه‌ریکا ده‌ڵێت مالیکی شـانسی سێ باره‌ بۆ ویلایه‌تی سێـیه‌می مسۆگه‌ره‌ و هه‌تا ئێسـتاش بێ ڕکابه‌ره‌.
XS
SM
MD
LG