Accessibility links

هێزه‌کانی یه‌مه‌ن ده‌سـتده‌گرن به‌سه‌ر مۆڵه‌گه‌یه‌کی قاعیده‌ له‌ باشوری وڵاته‌که‌یاندا

  • VOA News

وه‌زاره‌تی به‌رگری یه‌مه‌ن ده‌ڵێت هێزه‌کانیان توانیویانه‌ ده‌سـتبگرن به‌سه‌ر مۆڵگه‌یه‌کی ئه‌لقاعیده‌ له‌ باشوری وڵات، ئه‌مه‌ش پاش هێرشێـکی یه‌ک ڕۆژ درێژخایه‌ن که‌ تیایدا به‌ ده‌یان چه‌کداری توندڕه‌و و سه‌رباز کوژراون.
وه‌زاره‌ته‌که‌ ڕۆژی سێشه‌ممه‌ له‌ به‌یانـنامه‌یه‌کدا گوتی هێزه‌کانی له‌شـکر به‌ پاڵپـشـتی چه‌کدارانی خێڵه‌کی سه‌ر به‌ حکومه‌ت توانیویانه‌ بچنه‌ ناوجه‌رگه‌ی شارۆچکه‌ی مه‌حفه‌د که‌ ده‌که‌وێته‌ ناوچه‌ شـاخاویـیه‌ سه‌خته‌کانی نێوان هه‌ردوو پارێزگای ئه‌بیه‌ن و شه‌بوه‌.
له‌ ماوه‌ی چه‌ند هه‌فته‌ی ڕابردوو ئه‌و مۆڵگه‌یه‌ی قاعیده‌ که‌ شوێنی مه‌شق و ڕاهێنان و عه‌مباری چه‌کی لێـیه‌، که‌وته‌ به‌ر هێرشی ئاسـمانی.
به‌پـێی وه‌زاره‌ته‌که‌ چه‌کدارانی قاعیده‌ به‌ر له‌وه‌ی له‌ به‌ره‌به‌یانی سێشه‌ممه‌ ناوچه‌که‌ چۆڵ بکه‌ن، کۆمه‌ڵه‌ باڵه‌خانه‌کانی حکومه‌تیان به‌ر بۆمب داوه‌.
XS
SM
MD
LG