Accessibility links

میسر ڕێگه‌ به‌ به‌رپـرسـانی پارته‌که‌ی موباره‌ک نادات خۆیان بۆ‌ هه‌ڵبژاردنه‌کانی وڵاته‌که‌ کاندیدبکه‌ن

  • VOA News

دادگایه‌کی میسر قه‌ده‌غه‌ی کردووه‌ به‌رپـرسـانی حزبی ده‌سه‌ڵاتداری سه‌رده‌می حوسنی موباره‌ک که‌ له‌ مانگی چواری سـاڵی 2011 وه‌ هه‌ڵوه‌شـاوه‌ته‌وه‌ خۆیان بۆ هه‌ڵبژاردنه‌کان کاندیدبکه‌ن.
دادگای قاهیره‌ بۆ کاروباری به‌ په‌له‌ ئه‌مڕۆ سێشه‌ممه‌ بڕیاری دا که‌وا به‌رپـرسـانی حزبی نیشـتیمانی دیموکراتی، که‌ موباره‌ک ڕێبه‌رایه‌تی ده‌کرد، ناتوانن خۆیان بۆ هیچ کام له‌ هه‌ڵبژاردنه‌کانی سه‌رۆکایه‌تی و په‌رله‌مانی و ئه‌نجومه‌نی پارێزگا و شاره‌کان کاندیدبکه‌ن.
ئه‌م بڕیاره‌ له‌ کاتێـکدا دراوه‌ وڵاته‌که‌ خۆی بۆ هه‌ڵبژاردنه‌کانی سه‌رۆکایه‌تی ئاماده‌ ده‌کات که‌ چاوه‌ڕوان‌ده‌کرێت له‌ 26 و 27 ئه‌م مانگه‌ به‌ڕێوه‌بچێت. سه‌رۆکی پـێشـووی له‌شـکر عه‌بدولفه‌تاح ئه‌لسیسی، ئه‌وه‌ی محه‌مه‌د مورسی له‌ سه‌رۆکایه‌تی لادا، وا ئێسـتا خۆی بۆ سه‌رکه‌وتن له‌و هه‌ڵبژاردنه‌ ئاماده‌ده‌کات.
XS
SM
MD
LG