Accessibility links

بوکو حه‌رامی نه‌یجیریا ده‌ڵێت 200 کچی ڕفێندراو ده‌فرۆشێت

  • VOA News

ئاژانسی ده‌نگ‌وباسی فه‌ڕه‌نسی ده‌ڵێت ڤیدیۆیه‌کی ده‌سـتکه‌وتووه‌ که‌ تیایدا ڕێبه‌ری بوکوحه‌رام به‌رپـرسیارێـتی تاقمه‌که‌ی له‌ ڕفاندنی زیاتر له‌ 200 کچی خوێندکار ڕاگه‌یاندووه‌ که‌ مانگی ڕابردوو له‌ ڕۆژهه‌ڵاتی نه‌یجیریا له‌ خوێندنگه‌یه‌ک به‌ زۆر بران.
له‌ 14 ی مانگی چوار کۆمه‌ڵێـک چه‌کداری بوکوحه‌رام هێرشیان کرده‌ سه‌ر خوێندنگه‌یه‌کی ئاماده‌یی له‌ گوندێـکی هه‌رێمی بۆرنۆ و هه‌رچی خوێندکاری کچی ئاماده‌یـیه‌که‌یه‌ به‌ لۆری بردیانن و پاشـان ئه‌و لۆریانه‌ له‌ ناوچه‌یه‌کی دورده‌سـتی نزیک سنووری کامیرۆن دیار نه‌مان.
ئاژانسی فه‌ڕه‌نسی ده‌ڵێت ئه‌بو به‌کر شیکاو ڕێبه‌ری بوکوحرام له‌ ڤیدیۆکه‌دا گوتویه‌تی ئه‌و کچانه‌ ده‌فرۆشن و به‌ زۆر به‌ شوویان ده‌ده‌ن.
بوکوحرام له‌ دژی خوێندنه‌ و ده‌ڵێت په‌روه‌رده‌ی ڕۆژئاوایی‌یه‌ و ده‌بێت کچان واز له‌ خوێندن بهێنن و شوو بکه‌ن.
XS
SM
MD
LG