Accessibility links

دوو بۆمبی چێنراو له‌ شـارۆچکه‌ی سه‌عدیـیه‌ ده‌ته‌قێنه‌وه‌ و 17 که‌س ده‌کوژرێن

  • VOA News

له‌ توندوتیژیـیه‌کی دیکه‌ی به‌ر له‌ هه‌ڵبژرادنه‌ گشـتیـیه‌که‌ی عێراق، دوو بۆمبی چێنراو له‌ شـارۆچکه‌ی سه‌عدیـیه‌ی پارێزگای دیاله‌ ته‌قیونه‌ته‌وه‌ و بوونه‌ته‌ مایه‌ی کوژرانی به‌ لایه‌نی که‌م 17 که‌س و برینداربوونی 42 که‌س.
ته‌قینه‌وه‌کان ئه‌مڕۆ سێشه‌ممه‌ له‌ بازاڕێـکی سه‌وزه‌ و میوه‌ی شـارۆچکه‌که‌ بوون. به‌پـێی ئاژانسی ده‌نگ‌وباسی ئه‌سۆشیه‌تد پـرێس بۆمبی یه‌که‌م له‌ نێو بازاڕه‌که‌دا دانرابوو‌ و بۆمبی دووه‌م له‌ نزیک یه‌کێـک له‌ ڕێگه‌کانی ده‌رچوون له‌ بازاڕه‌که‌ بووه‌. له‌ نێو کوژراوه‌کاندا 4 ژن و 2 منداڵ هه‌ن.
هه‌تا ئاماده‌کردنی ئه‌م هه‌واڵه‌ که‌س به‌رپـرسیارێـتی خۆی له‌م هێرشه‌ ڕانه‌گه‌یاندووه‌.
XS
SM
MD
LG