Accessibility links

چوار سیاسه‌تمه‌داری سودانی باشور ئازاد ده‌کرێن


حکومه‌تی سودانی باشور ده‌ڵێت له‌ هه‌وڵێکدا بۆ ده‌ستپێکردنه‌وه‌ی وتووێژی ئاشتی له‌گه‌ڵ ئۆپۆزسیۆندا چوار زیندانی سیاسی ئازاد کردووه‌ که‌ به‌ تاوانی پیلاندانان بۆ کوده‌تایه‌ک ده‌ستگیر کرابوون.
یه‌کێک له‌و چوار که‌سه‌ی ئازاد کراوه‌، سکرتێری گشتی پێشووی بزوتنه‌وه‌ی ڕزگاری کردنی گه‌لی سودانه‌ و په‌یمانی هێنانه‌ ئارای ئاشتی ده‌دات له‌ وڵاته‌که‌دا.
پاگان ئامۆم ده‌ڵێت " له‌ ئێستا به‌دواوه‌ پاش ئازاد کردنی هه‌رچوارمان پێکه‌وه‌ کارده‌که‌ین بۆ هێنانه‌ ئارای ئاشتی له‌ وڵاته‌که‌ماندا".
پێشوازییه‌کی گه‌رم له‌ ئازادکردنی ئه‌و چوار سیاسه‌تمه‌داره‌ی سودانی باشور کرا.
ده‌ستگیرکردنیشیان بو به‌ ته‌گه‌ره‌یه‌کی سه‌ره‌کی له‌به‌رده‌م وتووێژه‌کانی حکومه‌تی سه‌رهه‌ڵداوانی لاینگری جێگری پێشوی سه‌رۆکی سودانی باشور.
له‌ مانگی دانگی دوازده‌دا هه‌ر به‌ ماوه‌یه‌کی که‌م پاش ڕاگه‌یاندنی هه‌وڵدانێک بۆ کوده‌تاکردنی حکومه‌ت ئه‌م چوار سیاسه‌تمه‌داره‌ی ده‌ستگیر کرد.
XS
SM
MD
LG