Accessibility links

یه‌مه‌ن: 55 چه‌کداری ئه‌لقاعیده‌ به‌ هێرشی ئاسمانی ده‌کوژرێن

  • VOA News

وه‌زاره‌تی ناوخۆی یه‌مه‌ن ده‌ڵێت له‌ زنجیره‌یه‌ک هێرشی ئاسـمانی بۆ سه‌ر که‌مپـێـکی مه‌شق و ڕاهێنانی کۆمه‌ڵی ئه‌لقاعیده‌ له‌ باشوری وڵاته‌که،‌ 55 چه‌کداری ئه‌و کۆمه‌ڵه‌یه‌ کوژراون.
وه‌زاره‌ته‌که‌ ڕۆژی دووشه‌ممه‌ له‌ به‌یانـنامه‌یه‌کدا گوتی هێرشه‌که‌ بۆ چه‌ند کاژمێرێـک درێژه‌ی کێشـاوه‌ و له‌ نێو کوژراوه‌کاندا 3 ئه‌ندامی گه‌وره‌ی کۆمه‌ڵه‌که‌ی تێدایه‌. گوتیشی ئێسـتا له‌ پـرۆسه‌ی ناسینه‌وه‌ی کوژراوه‌کاندان.
ئۆپه‌راسیۆنه‌که‌ له‌ ڕۆژی یه‌کشه‌ممه‌وه‌ ده‌سـتیپـێـکرد. ئاژانسی ده‌نگ‌وباسی ئه‌سۆشیه‌تد پـرێس ده‌ڵێت پـێده‌چێت فڕۆکه‌ی بێ فڕۆکه‌وانی ئه‌مه‌ریکایی له‌ که‌مپه‌که‌ی دابێت، که‌ ده‌که‌وێته‌ شـارۆچکه‌ی مه‌حفه‌دی نێوان ئه‌بیه‌ن و شه‌بوه‌ و ئه‌لبیزا.
کاربه‌ده‌سـتێـکی ئاسایشی گوتی ژێرخانی که‌مپه‌که‌ وێرانکراوه‌. واشنتن باڵی یه‌مه‌نی ئه‌لقاعیده‌ به‌ هه‌ره‌ چالاکترین تاقمی ئه‌و کۆمه‌ڵه‌یه‌ داده‌نێت.
XS
SM
MD
LG