Accessibility links

ڕێبه‌رێکی ئه‌لقاعیده‌ داوا ده‌کات سه‌رهه‌ڵداوان کۆتایی به‌ شه‌ڕی ناوخۆیان له‌ سوریا بهێنن


ڕێبه‌ری ئه‌لقاعیده‌ ئه‌یمه‌ن ئه‌لزه‌واهری داوا له‌ گروپه‌ ملیتانه‌کانی سوریا ده‌کات شه‌ڕی ناوخۆیان ڕابگرن که‌ بوو به‌هۆی کوشتنی نوێنه‌ری باڵای له‌ سوریا.
له‌ په‌یامێکی ده‌نگیدا که‌ له‌ دره‌نگانێکی ڕۆژی هه‌ینی بڵاو کرایه‌وه‌ زه‌واهری ده‌ڵێت سه‌رپێچی کردن هۆکاری کوشتنی ئه‌بو خالید ئه‌لسوری هاودامه‌زرێنه‌ری گروپی ئه‌حرار ئه‌لشام بوو، که‌ له‌ مانگی دوودا به‌هۆی هێرشێکی خۆکوژی کوژرا.
زه‌واهری داوای کردووه‌ لێکۆڵینه‌ویه‌کی سه‌ربه‌خۆی له‌سه‌ر بنه‌مای شه‌ریعه‌ت بۆ ئه‌و کوشتنه‌ بکرێت. گروپی ئه‌لنوسره‌ی سه‌ر به‌ ئه‌لقاعیده‌ گروپی ده‌وڵه‌تی ئیسلامی له‌ عێراق و شام به‌ کوشتنی تاوانبار ده‌کات.
XS
SM
MD
LG