Accessibility links

هه‌له‌و واشنتن: کێشه‌کانی عێراق و هه‌رێمی کوردسـتان


کێشه‌ ئاسایشی و سیاسیـیه‌کان له‌ عێراق هه‌روا به‌رده‌وامن‌ و دوایـنیان ده‌سـت له‌کارکێشـانه‌وه‌ی ئه‌ندامانی ئه‌نجومه‌نی كۆمیسیارانی‌ كۆمسیۆنی‌ باڵای‌ هه‌ڵبژاردنه‌كان بوو.
ئه‌ندامانی کۆمسیۆن ده‌ڵێن ڕووبه‌ڕووی فشـارێـکی زۆر بوونه‌ته‌وه‌ به‌هۆی ناکۆکیـیه‌کانی نێوان هه‌ردوو ده‌سه‌ڵاتی یاسادانه‌ران و حکومه‌ت.
هاوکات له‌ هه‌رێمی کوردسـتانی عێراقیش، له‌ پاش چه‌ندان مانگ له‌ هه‌ڵبژاردن هێشـتا کابینه‌ی نوێی حکومه‌ت پـێـکنه‌هاتووه‌، ئه‌مه‌ش ناڕه‌زایـیه‌کی زۆری لێـکه‌وتووه‌ته‌وه،‌ له‌ کاتێـکدا ده‌نگۆی ئه‌وه‌ هه‌یه‌ پاش هه‌ڵبژاردنه‌کانی عێراق ئه‌م حکومه‌ته‌ پـێـکده‌هێنرێت.
ئه‌مه‌ بابه‌تی به‌رنامه‌ی هه‌له‌و واشنتنی ئه‌م هه‌ینیـیه‌ بوو که‌ حه‌یده‌ر که‌ریم له‌ به‌شی کوردی ده‌نگی ئه‌مه‌ریکا به‌ڕێوه‌ی برد و ئه‌م به‌ڕێزانه‌ میوانه‌کان بوون:
دکتۆر فه‌رسه‌ت سۆفی، ئه‌ندامی په‌رله‌مانی هه‌رێمی کوردستانی عێراق له‌سه‌ر لیستی پارتی دیموکراتی کوردستان.
شێرکۆ جه‌وده‌ت، ئه‌ندامی سه‌رکردایه‌تی یه‌کگرتووی ئیسلامی کوردستان و جێگری سه‌رۆکی فراکسیۆنی یه‌کگرتووی ئیسلامی کوردستان له‌ په‌رله‌مانی هه‌رێمی کوردستانی عێراق.
XS
SM
MD
LG