Accessibility links

سه‌رهه‌ڵداوه‌ توندڕه‌وه‌‌ ئیسلامییه‌کان شاروچکه‌یه‌ک له‌ باکوری ڕۆژئاوای سوریا ده‌گرن


دووشه‌ممه‌ چالاکوانان گوتیان سه‌رهه‌ڵداوه‌ توندڕه‌وه‌‌ ئیسلامییه‌کان ده‌ستیان به‌سه‌ر شاروچکه‌یه‌ک له‌ باکوری ڕۆژئاوای سوریا داگرتووه‌ وه‌ک به‌شێک له‌ هێرشه‌که‌یان له‌ ناوچه‌ی سه‌ختی که‌ناری که‌ بنکه‌ی سه‌ره‌کی پشتگیریکردن له‌ سه‌رۆکی سوریا بشار ئه‌سه‌د-ه‌.
یه‌کشه‌ممه‌، شه‌ڕکه‌رانی کۆمه‌ڵێک گروپی چه‌کداری ئۆپۆزسیۆن، به‌ جه‌بهه‌ی نوسره‌ سه‌ر به‌ ئه‌لقاعیده-وه‌، ده‌ستیان به‌سه‌ر شاروچکه‌ی‌ که‌سب داگرت. ئه‌وان هه‌روه‌ها ده‌ستیان به‌سه‌ر خاڵێکی ده‌ربازبونی سنور بۆ تورکیا، له‌ده‌ره‌وه‌ی شاروچکه‌که‌ داگرت.
ئه‌م پێشڕه‌وییه‌ هه‌رچه‌ند بچوک، پاڵپشتێکه‌ بۆ سه‌رهه‌ڵداوان که‌ له‌ چه‌ند هفته‌کانی ڕابردوو زیانی زۆریان له‌ مێدانی شه‌ڕ دیتووه‌.
هێزه‌کانی سه‌ر به‌ حکومه‌تی ئه‌سه‌د ده‌ستیان به‌سه‌ر چه‌ندین شاروچکه‌ له‌ نزیک سنوری سوریا له‌گه‌ڵ لوبنان داگرتووه‌ وه‌ک به‌شێک له‌ هێرشی حکومه‌ت به‌ ئامانجی تێکدانی هێڵی گه‌یاندنی یارمه‌تی و گرتنه‌وه‌ی سنور.
XS
SM
MD
LG