Accessibility links

ئه‌مه‌ریکا بڕیاری داخسـتنی باڵیۆزخانه‌ و کونسوڵخانه‌کانی سوریا له‌ وڵاته‌که‌ی ده‌دات

  • VOA News

ویلایه‌ته‌ یه‌کگرتووه‌کانی ئه‌مه‌ریکا بڕیاری دا هه‌موو کاره‌کانی باڵیۆزخانه‌ی سوریا له‌ واشنتن و هه‌ردوو کونسوڵخانه‌که‌ی له‌ میشیگن و ته‌کساس ڕابگیرێن. هه‌روه‌ها داوای له‌و دیپـلۆمات و فه‌رمانبه‌رانی باڵیۆزخانه‌که‌ کرد، ئه‌وانه‌ی ڕه‌گه‌زنامه‌ی ئه‌مه‌ریکایـیان نیـیه‌ یان مۆڵه‌تی مانه‌وه‌ی هه‌میشه‌یـیان نیـیه‌ وڵاته‌که‌ جێبهێڵن.
دانیال ڕۆبنشتاین نێردراوی تایبه‌تی ئه‌مه‌ریکا بۆ قه‌یرانی سوریا گوتی جێی قبوڵ نیـیه‌ که‌سانێـک که‌ له‌ لایه‌ن ڕژێمی به‌شار ئه‌سه‌ده‌وه‌ دانراون هه‌ستن به‌ کاری کونسوڵی و دیپـلۆماسی له‌ ئه‌مه‌ریکا.
هه‌تا ئاماده‌کردنی ئه‌م هه‌واڵه‌ سوریا هیچ لێـدوانێـکی فه‌رمی له‌ باره‌ی ئه‌م بڕیاره‌ی ئه‌مه‌ریکا ڕانه‌گه‌یاندووه‌.
XS
SM
MD
LG