Accessibility links

پـوتن ڕێکه‌وتنی لکاندنی هه‌رێمی کریمه‌ی ئۆکرانیا به‌ ڕووسیا مۆرده‌کات

  • VOA News

سه‌رۆکی ڕووسیا ڤلادیمیر پـوتن ڕێـکه‌وتنێـکی له‌گه‌ڵ ڕێبه‌رانی کریمه‌ مۆرکرد بۆ لکاندنی ئه‌و هه‌رێمه‌ی ئۆکرانیا به‌ ڕووسیاوه‌، ئه‌مه‌ش ڕه‌نگه‌ بـبێته‌ مایه‌ی زیادکردنی گرژیـیه‌کان له‌گه‌ڵ ئۆکرانیا و وڵاتانی ڕۆژئاوادا.
پـوتن ڕۆژی سێشه‌ممه‌ پاش ئه‌وه‌ی له‌ په‌رله‌مانی وڵاته‌که‌ی وتارێـکی پـێشـکه‌ش کرد له‌ به‌رده‌م کاربه‌ده‌سـتانی حکومه‌ت و یاسادانه‌ران و ژماره‌یه‌ک له‌ که‌سانی هه‌رێمی کریمه‌، ڕێـکه‌وتنه‌که‌ی له‌گه‌ڵ سێ ڕێبه‌ری هه‌رێمه‌که‌ مۆرکرد.
سه‌رۆکی ڕووسیا له‌ وتاره‌که‌یدا هێرشێـکی توندی کرده‌ سه‌ر وڵاتانی ڕۆژئاوا و به‌ به‌زاندنی هێڵی سوور تاوانباری کردن و گوتی به‌ شێوه‌یه‌کی نابه‌رپـرسانه‌ له‌گه‌ڵ قه‌یرانی ئۆکرانیا مامه‌ڵه‌یان کردووه‌.
پاشـان جه‌ختی له‌وه‌ کرده‌وه‌ ڕیفراندۆمه‌که‌ی کریمه‌ به‌ شێوه‌یه‌کی دیموکراسـیانه‌ به‌ڕێوه‌چووبوو‌ و به‌ پـێی یاسای نێوده‌وڵه‌تیش بووه‌.
XS
SM
MD
LG